陈冠希PO锡锡相加冧爆文贺老婆牛一 留8个心心Emoji：你系男人梦寐以求嘅人

 

今日系陈冠希（Edison）老婆、名模秦舒培嘅33岁牛一，陈太好嘢，生咗个女后完全收服呢位当年嘅“沟女王”，Son哥沟女史有几劲唔使多讲啦。近年陈太生日，陈生都会出PO贺老婆，今年当然唔例外，佢上载咗三张相，分别有肉紧锡老婆嘅相、老婆同5岁囡囡Alaia嘅合照同埋老婆嘅单人相。

 

系嘅，陈生都41岁，有老态好正常，但人哋老咗都系靓佬囉。

 

老婆同囡囡，目前陈生最重要嘅人。

 

名模果然系名模。

 

但重点系陈生嘅文字，原文如下:“HAPPY BIRTHDAY TO MY NUMBER ONE !!!!! ❤️?? @shupeicute YOU ARE THE BEST COMPANION I COULD EVER ASK FOR AND I WOULDN’T CHANGE A THING ABOUT US EVER !!!!! ??? THE BEST WIFEE ， BEST MOTHER， BEST BEST FRIEND A GUY COULD EVER DREAM FOR !!!!! ??? FOREVER TIL INFINITY !!!!!! ???”（强行翻译:祝我嘅第一位生日快乐，你系我能要求嘅最好伴侣，我对你永远唔会变，你系我最好嘅老婆、最好嘅妈妈、最好嘅朋友，你系男人梦寐以求嘅人，爱你至无限。)

 

陈生原来可以咁深情。

 

呢个表白真系好感人，仲要出自陈冠希口中，睇到都有少少眼湿湿，留意返，成段文共有8个心心Emoji，加三个心心锡锡样Emoji，代表Son哥用文字都唔足以表达对老婆嘅爱，要靠Emoji帮拖。 

除咗老婆生日之外，陈冠希都有另一单开心事，就系佢间潮舖JUICE嘅夏威夷分店将于8月18日开张，计埋香港台湾同内地，家阵共有11间舖，好威水。

 

夏威夷分店将于8月18日开张，恭喜晒。

 

一家三口帮品牌影宣传照。

 

之前一齐喺日本睇美斯踢友谊赛。

 

睇吓陈生几CUTE，以前边会见到佢咁得意㗎。

 

星岛新闻集团庆回归25周年专题网站，请即浏览

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。