BTS休团成员各有各玩 V仔巴黎拥抱Eddie Redmayne Jin济州罕晒背

超人气韩团防弹少年团（BTS）于九周年大喜日子宣布休团，成员将专注个人发展，但仍然会合作做综艺，但要睇佢哋出Show就要等吓嘞。公布消息后，成员都各自活动或享受假期，好钟意睇艺术品及行博物馆的队长RM去咗欧游，近日不断上载欧游相，见佢可以唔使戴口罩四围去真系好羡慕。

 

RM刚去完欧游回归，去咗大量博物馆嘅队长叉满电。

 

而首个单飞的成员J-HOPE将于7月29日发行个人专辑《Jack In The Box》，今日正式在官网开始预购，专辑冇实体碟，会以Weverse Album形式发售，歌迷要先下载Weverse Albums APP再用Weverse账号或SNS账号登录就可以听歌，新碟相当抵听，只售9.75美元(约77港币)。而J-Hope会于7月1日率先发行专辑的主打歌，7月15日就可以听晒全碟嘅歌。日前，J-HOPE现身Tom Sachs展览，同场有大量韩星，包括G-DRAGON、朴叙俊、崔宇植、郑有美、柳俊烈、SEVENTEEN JUN及TXT休宁凯等，当日J-HOPE玩得好开心。

 

J-HOPE将于7月29日发行个人专辑《Jack In The Box》，但歌曲于7月15日就有得听。

 

单飞专辑只售9.75美元(约77港币)。

 

之前SUGA及J-HOPE一齐睇Tom Sachs展览。

 

J-HOPE再单拖去Tom Sachs展览。

 

同场仲有GD。

 

J-HOPE玩得好开心。

 

昨日（26日），Jimin去咗睇老友河成云嘅音乐剧，而JK就撑老友SEVENTEEN嘅尾场演唱会，有Fans直击见到JK企足4个钟睇Show，完场仲入后台影合照。而大哥JIN就喺济洲享受假期，仲百年难得一见佢露上半身嘅背面，目的就系晒左腰嘅BTS友情纹身，因为激罕晒背，算系JIN入行后最性感演出，吸咗逾千二万个Like，个个跪求睇正面，大哥珍当然唔会睬你哋。

 

JIMIN(右)包到冚去睇音乐剧。

 

JK寻晚去咗睇SEVENTEEN尾场Show。

 

JK由开场企到散场足足4个钟。

 

仲入咗后台大合照。

 

大哥JIN去咗济州玩。

 

JIN剥衫晒背加左腰纹身，真系有今生冇来世。

 

露背图吸到遇千二万个Like。

 

最后队中世帅V仔(金泰亨)同老友朴宝剑及BLACKPINK的Lisa，搭私人飞机去咗巴黎出席CELINE时装Show，场地Palais de Tokyo周围一早聚集大量Fans，Lisa及V一现身即引发震耳欲聋的尖叫声，最后落车的朴宝剑都吓亲。穿着CELINE秋冬新装亮相的3人，被全球媒体追访，“TAEHYUNGxCELINE”、“LisaXCeline”等Hashtag火速占据热搜榜。

 

韩国空运到巴黎出席时装展的V仔、Lisa及朴宝剑。

 

场馆外围满Fans。

 

V仔着上新款冬装。

 

V仔呢身打扮获外媒高度赞赏。

 

Lisa及Eddie Redmayne。

朴宝剑及Eddie Redmayne。

V仔都有四围去参观。

奥斯卡影帝Eddie Redmayne亦是Fashion Show座上客，完场后佢同V仔见面，两人倾咗两句，V仔主动揽揽Eddie，睇嚟V仔英语能力好咗好多㖞。Eddie于于3位韩星引起的哄动感到震惊，“疯狂、绝对是疯狂。我意思是我有听K-Pop，他们都很出色。我曾与韩国女星金秀贤合作，她有向我介绍韩流。”T

 

V仔遇上Eddie Redmayne。 ​

 

星岛新闻集团庆回归25周年专题网站，请即浏览

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。