头条独家丨九龙城街市面临清拆众艺人不舍 森美：最大件事系冇得撞明星

被称为一代“明星街市”的九龙城街市，在今日市建局公布的重建计划中，即将面临清拆的命运，之后在兴建的新大楼中将会安排重置。由于九龙城街市附近有不少泊车位，因此一直以来有不少艺人偏爱到该处买𩠌，方便他们驾车购物，当中曾帮衬的天王巨星有周润发、林青霞、刘青云、方中信及导演杜琪峯等。另外，罗乐林、肥妈Maria Cordero及住在附近的蔡国威也是该街市的常客，而位于附近广播道的商台，不少DJ及幕后人员也会往街市的熟食档食晏，因此不少市民买𩠌时间中也会野生捕获一众明星，难怪森美今日回复《头条日报》笑谓：“冇咗好唔方便，买嘢事少，撞明星事大，𠮶度好多明星，俾啲买𩠌太太人生小趣味，真系唔舍得。”

另外，罗乐林回复《头条日报》时也表示：“冇收到消息，最近疫情通告（开工）密咗，以前一个月去25日，依家可能一个月去一次。”罗乐林是九龙城的老街坊，几乎由1988年街市落成已开始帮衬，他续说：“真系帮衬坐底30年，我以前住书院道附近，即使后来搬咗去太子道，但都系会去番九龙城街市买𩠌，呢啲都系情意结，全部都系街坊，好熟络，大家好似邻居一样，我去到，佢哋都知我钟意要新鲜嘢，我又唔讲价，好有人情味。”
 

周润发早年曾在街市被捕获。

 

杜琪峯也会亲身到街市买𩠌。

 

“大龙生”罗乐林大赞九龙城街市很有人情味。

 

肥妈日前才去九龙城街市买𩠌。

 

面对九龙城街市即将拆卸，虽然万般不舍，但罗乐林觉得亦无可奈何：“都要面对，人生就系咁，时代变都要面对。”至于肥妈亦大呼不舍：“唔系呀，梗唔舍得啦，痴线啦，我呢几日都仲系去九龙城街市买嘢。九龙城街市好多嘢卖，有好多人喺𠮶度做咗几十年！九龙城街市梗系应该要保育啦，做咗几十年，有乜理由拆卸啫。”

陈山聪得知九龙城街市即将清拆表现愕然：“吓， 个街市对我嚟讲好大回忆，因为当年爹哋一个最好兄弟喺𠮶度卖鸡鸭咁，我爹哋成日去佢个档口打牌，我就跟埋成日去玩，又整鸡肠同睇佢哋点㓥鸡，同埋个街市当日开幕我有份去做武师，真系好大回忆，点解会拆？”何广沛原来经常光顾买火锅材料：“好可惜，我成日去2楼买打边炉嘅嘢食，专去一间牛肉舖买肥牛打边炉，每次都系专程驾车去，希望可以知道去开相熟嘅舖头有咩打算啦。”而张达伦表示疫情前不时往街市内食泰国美食，还会买鱼及墨鱼丸，因平靓正，希望档主可以找到或获安排地方重开做生意，以免影响生计。

 

陈山聪

 

何广沛

 

张达伦

住在附近的蔡国威表示：“旧区重建、重置呢件事，我觉得喺九龙城一定会发生，少少可惜啦，因为九龙城街市好多外区嘅人都会嚟帮衬，我呢啲街坊一定会帮衬啦！因为九龙城街市里面有好多摊档出晒名，虽然价钱系贵咗少少，但品质好有保证。3楼有熟食档，我最多时候帮衬系里面嘅泰国菜馆，佢有个特式档口由泰国人主理，好有泰国嘅味道，喺重建返之前，可能未必揾得返，或食得到呢个咁熟悉嘅味道。”

而陈庭欣亦经常去帮衬：“冬天特别去得密，因为识得手切𠮶个牛肉档，同卖菜地下𠮶两兄弟好熟，过时过节都会送礼物畀佢哋，或者我啲首映飞都会送畀佢哋。重建系咪好事?我谂总会有两边声音嘅。有啲人可能觉得1988年到依家，已经好旧，有咁嘅需要；但有啲人可能觉得有好多嘅情怀。其实我反而会关心系重建之后系变咗乜嘢？会唔会又系一啲楼价好离地嘅住宅？我谂咁大个重建项目，应该有安排档摊或街市迁移去另一个地方，冇理由咁冇安排，附近啲居民冇地方买𩠌囉，唔通个个都去荃湾咩！”

另外袁富华因为经理人、亚视前艺人黄美芬钟意去九龙城街市食饭，而成日都会去：“街市上面有间乐园，好钟意饮佢杯红豆冰奶茶，炒米粉又好食，不过依家要排队，清拆后可能会食唔返。”

袁富华。

蔡国威。

陈庭欣。

 

 

更多最新疫情资讯，请到以下专页浏览 按此

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。