头条独家丨胡慧冲示范“五马分尸”拉伤肋骨 另类旅游节目清洁高僧干尸

随着泰国开关，J2创意总监C君(郑诗君)即向“泰国通”胡慧冲(Roger)招手，开灯绿让他做埋监制，赶制全新节目《复刻古灵精怪东南亚泰国篇》，节目除结合Roger过往最擅长嘅《泰国乜都有》、《睇真啲》等古灵精怪题材外，会加入一啲轻松元素，好似介绍改造人中心、清洁佛寺内高僧干尸等，斋听已经好吸引。采访：方骞平

泰国一间佛寺将东北部著名嘅龙神打造成景点。

 

《复刻古灵精怪东南亚泰国篇》共16集，逢周一及二晚上11点于J2台播出，由于用心制作，播出后口碑都唔错。Roger表示，因为唔想变成怪谈节目，报道嘅佛寺、神佛、鬼怪嘢会点到即止，反而会加入趣味题材，如走访改造人中心，讲吓唔使做运动都整到6块腹肌，女士又会做到有马甲线效果；而有间路边河粉店，有品性纯良嘅科莫多龙陪你食嘢；仲会帮手清洁喺佛寺内嘅高僧干尸；睇蛇神庙；又会介绍呃人食物及吸引年青人，有咸蛋超人嘅新潮寺庙等。

曼谷改造人中心可以令你唔需要做运动，都能拥有6嚿腹肌。

佛寺内除咗有佛像更加有超人公仔嚟吸引年青人。

公路旁边的河粉店，最大卖点系五爪金龙会走上嚟同人客争食鸡肉。

同冇剥牙白狮接触

Roger同时拍紧《冲游泰国7》，辛苦到冇啖好食兼冇晒胃口，瘦咗4公斤，突然暴瘦令佢有啲惊：“?家泰国天气好热，试过连续4日外景好辛苦，今次仲意外受伤，去一条村落拍隐世医术，亲身示范‘五马分尸’拉筋大法时，手脚用毛巾绑住大字型被拉，听到肋骨啪一声，打后几日呼吸、瞓觉、行路都好痛，其实呢啲做法好有危险性，所以唔好乱试。另外，化身成为杜拜王子同白幼狮接触都好难忘，因为狮子冇剥牙，其实都有啲惊，哈！不过如果可以为节目作出牺牲，吸引大家关注，都值得嘅。”

Roger示范“五马分尸”拉伤肋骨。

曼谷一间以杜拜作为主题嘅咖啡店，人客可以化身中东酋长亲亲白狮子。

更多新冠疫情资讯，请到以下专页浏览(按此)  

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。