头条独家丨袁伟豪获赠“必中”造人姿势 谭俊彦姚嘉妮分享交配秘技

在剧集《廉政行动2022》演ICAC总调查员的袁伟豪（Ben），唔经唔觉41岁，跟31岁张宝儿（Bowie）结婚近两年的他有计划生B，希望两年内造人成功。《廉政》拍档，同为父母的谭俊彦（Shaun）及姚嘉妮嫌两年太慢，趁拍摄空档不时举行“造人深造班”，围埋大讲“必中”造人资讯赠阿Ben，内容包括几点做同埋做咩姿势，爆笑分享私密床事完全18禁。

采访：杜淑霞 摄影：沈健程 发型：Price Wong@HH hair.nail 化妆：Chloe Yu 服装：Loewe 场地：St.Barts

Ben认为生两个小朋友最理想，更笑指到时可“收档”。

 

Ben在剧中经常要着贴身西装，在闷热天气下拍摄更辛苦。

 

Ben拍摄《廉政》时曾中暑晕倒，“喺大厦室内拍，半密闭但有个天井，我啱啱放完饭饮咗杯冻斋啡，跟住就出事！突然间好似脱水，散唔到啲热出嚟，好眼瞓好晕，瞌着咗，再瞪大眼两只眼爆晒红筋。”Ben最开心再跟该剧总监制林超贤（Lam）合作，两人早于04年已合作电影《重案黐孖GUN》，Ben坦言有点似学生重遇校长或老师的感觉，“当年自己好年轻，同导演好少沟通，但今日就唔同，𠮶场戏有咩想表达，即管攞出嚟倾，呢个就系成长。”

Ben开心相隔18年，再跟“老师”林超贤合作。

 

Ben（左二）第一次跟林超贤合作，就是电影《重案黐孖GUN》。

临时演员齐听18禁

《廉政》拍摄空档令Ben有机会上“造人深造班”，导师就是好拍档Shaun和姚嘉妮，“嘉嘉同Shaun都有小朋友，3个坐喺度讲点样造人，讲边啲时候做嘅机率大啲，佢哋真系毫无芥蒂去讲，夜晚几多点、咩姿势好啲，千祈唔好咩姿势，唔系会好难有㗎！”最搞笑系同场仲有好多临时演员，Ben笑言，“我望住佢哋啲反应，好似谂紧‘你哋都讲得几尽、几直接’，可能做咗人父母心态放开咗，务求分享，完全冇其他歪念。”

介绍返Ben的“造人深造班”导师嘉嘉和Shaun，剧中两人演夫妻。

 

早前Ben跟Bowie撑枱脚，庆祝41岁生日。

问Ben有冇学到嘢？Ben笑言冇特别研究，但承认跟太太有造人大计，“一、两年之内，最紧要睇工作，始终我哋工作困身，同埋要计划得周详啲，唔好临急影响咗大家制作进度。”理想有两个小朋友的他，为了悭时间更想一次过搞掂，“可能一次过生两个，咁唔止收炉，即刻收档?！”出名钟意影相的他，笑指连相机都已经准备，“我咪早啲订定相机，换啲自动对焦好快，第日有小朋友可以影快啲，乘机揾借口买。”

早前Bowie贴出合成性感相宣传新剧《OPM》，Ben搞笑回应：“你唔系我老婆”。

 

Ben承认做Bowie御用摄影师，经常可满足自己。

婚后尽量唔拍Kiss戏

早前Bowie贴出合成性感相宣传新剧《OPM》，当时Ben搞笑回应：“你唔系我老婆”，问到老婆若有性感演出能否接受时，他抵死话：“又唔系完全接受㗎，睇情况啦！”亲热戏呢？Ben继续玩嘢话：“睇对手啦！到时咪去现场探吓班囉！监吓场！递吓香口胶同漱口水畀佢哋囉！哈哈！讲笑啫！佢自己衡量啦！我接受，其实佢都几性感㗎！”Ben经常同老婆影靓相，觉得老婆属于气质型性感，仲会叫老婆做唔同表情满足佢，“见到呢啲我就会好开心！我keep住系佢首席摄影师，不过佢冇畀钱我，free畀佢！”

Ben坦言近期经常见陈山聪囝囝Jaco（陈霆轩），都令老窦瘾大发。

 

已为人夫的Ben，拍亲热戏可免则免。

若然调返转，Ben跟对手有亲热戏呢？Ben就话有得拣就唔会做，“作为丈夫系咪可以减少啲呢？做咗人太太系咪可以少啲？系可以少啲嘅。”Ben仲自爆同Bowie一齐睇对方的亲热戏，他为怕老婆会介意而谂尽计仔，“我会跳咗𠮶集话‘今晚冇乜特别，冇我可以唔使睇’。”至于睇老婆亲热戏，他会玩即场品评，“会攞嚟笑吓囉！‘平时唔觉你咁样嘅，好投入㖞！有啲新花式！’𠮶啲都系佢结婚前演出，结咗婚后都冇拍。”

Ben坦承已跟Bowie有计划，两人内实行造人大计。

 

更多新冠疫情资讯，请到以下专页浏览

按此 https://bit.ly/3JqiBzz

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。