头条独家丨陈晓华蒲书局买心灵画册 买狗仔衫拣足45分钟

27岁嘅陈晓华(Hera)呢期曝光率好高，因为几套剧都有佢份，《食脑丧B》及《廉政行动 2022》，要忙宣传咁咪冇时间拍拖?之前有传方力申送狗公仔力追Hera，两人皆否认，女方仲话忙到连阿妈都少见，关系仲变得好疏离。日前就见到Hera抽空去铜锣湾拣狗仔衫，然后去书局睇书，行为都相当文青，小方想加分，下次唔好送狗公仔，送书啦。

狗仔衫好得意，陈晓华心大心细唔知买边件好。

42岁的方力申自从6年前与拍拖10年的邓丽欣分手后，先后与冯盈盈及陈滢传绯闻，至今依然坚称单身的他，被爆跟陈晓华发展地下情，对于突然同小方传绯闻，Hera一头雾水，“我哋以前合作过系朋友，但唔系经常联络，绯闻唔系真，我都想佢快啲揾到真命天女。”

去年两人为玄学节目担任嘉宾。

睇到好入神
日前傍晚，Hera独自到铜锣湾希慎广场行街，由于地下有宠物用品展览，家有爱犬嘅佢系咁睇，情有独钟得意狗仔衫，有运动款有晚装款，件件都好靓，拣咗成45分钟都冇收获，最后问店员攞埋咭片就离开。之后行咗上书局，孭住相机嘅Hera睇得好入神，见到啱嘅书就会影低佢，最后买咗两本书，一本系韩国艺术家 Henn Kim 黑白图文作品集《Starry Night， Blurry Dreams》，属于心灵治愈系书籍，可以令读者释放悲伤情绪，唔知 Hera有咩心事呢?

陈晓华拣咗45分钟都决定唔到。

好多款，又真系好难拣嘅，小方识做啦。

再去书局睇书。

睇啱书，佢会用部大相机影低封面。

陈晓华及爱犬叮叮。

陈晓华买咗呢本《Starry Night， Blurry Dreams》。

更多新冠疫情资讯，请到以下专页浏览（按此）

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。