头条独家丨杜琪峯同长辈讲到停唔到口 小店食午餐泄养生秘密

电讯盈科所成立的新公司MakerVille于上月尾举行发布会，会上除咗播出由杜琪峯、游乃海及朱淑仪任监制的电影《命案》预告外，其中一个环节由谷德昭担任主持，同郑保瑞及杜琪峯等倾偈。虽然60有7，但杜Sir贴地又搞笑，谈笑风生劲得网民欢心。采访:娱乐组

杜Sir上月出席MakerVille发布会。

发布会上嘅杜Sir几开心。

会上公开电影《命案》的预告。

每逢郑秀文生日都会见到杜Sir两公婆及古天乐同Sammi庆祝，最难得年近70，但杜Sir都Keep住钢条身形，有腰有颈，真系唔容易㗎，最紧要块面冇松弛，企埋班后生仔身边一啲都唔输蚀。

杜Sir夫妇近年都会同Sammi庆祝生日。

一餐食两条鱼
杜Sir住西贡，街坊都成日见到杜Sir拖狗散步。日前下午，着住巴塞隆拿球会运动外套及同色系运动裤嘅杜Sir，同一位女性长辈现身西贡巷仔，一间有点心同盅头饭食嘅小店食Lunch，睇佢装扮应该做完运动。报料街坊表示，“佢有食菜同盅头饭，蒸咗两条鱼，间小店冇鱼卖，应该自己拎嚟再叫小店蒸。”究竟要有几钟意食鱼先会一餐饭食两条鱼?或者系佢养生Keep Fit之道，街坊仲话佢同长辈好好倾，边食边倾冇停过，但讲咩就真系听唔到嘞。

杜Sir食饭冇放好口罩，就咁拉低下巴位就算。

去年，杜Sir出席ViuTV台庆。

更多最新疫情资讯，请到以下专页浏览 按此

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。