周国贤获赞有坚硬的肌肉 Fans囡囡用佢个“Body”做功课

周国贤收到女Fans嘅PM，表示自己由《目黑》已经钟意佢，仲话陀大女𠮶阵有去听佢演唱会，“有啲唐突想同你分享我个女今日份中文功课”，点解无啦啦要同个偶像分享自己个女嘅功课呢？因为好笑，真系好好笑。

 

女Fans PM周仔同佢Share囡囡份爆笑功课。

 

Fans囡囡上中文堂，老师要佢用坚硬呢个形容词嚟造句，佢就咁写，“周国贤有很坚硬的肌肉，因为他辛辛苦苦做运动。”网民都睇到大笑，何况拥有坚硬肌肉嘅当事人。Fans解释，“因为疫情关系呢几个月喺屋企不停Loop你嘅歌，我屋企2个小朋友都已经变咗你Fans，估唔到连做功课有你嘅踪影。”

 

HAHAHAHAHAHAHAHAHAHAH。

 

周国贤收到份功课笑到癫，开心Share表示，“而家啲小学生嘅文学造诣，真系令我‘罕’感动。”仲话为咗未来社会栋梁好难唔而家就即刻去做尖（Gym），网民睇得好开心，仲提议周国贤下首歌可以叫《坚硬的肌肉》。

 

呢张相睇唔出周仔啲肌肉有几坚硬。

 

呢张啲肌肉好似硬啲。

 

更多新冠疫情资讯，请到以下专页浏览（按此）

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。