头条独家丨经理人林宝玉：我哋冇拎阿仪嚟玩 难忘薛影仪喊住求救

林宝玉（Connie）由亚姐转职为“亚视一姐”薛影仪的经理人，两人合作一年已超越家人关系。对于网民认为亚视明知阿仪讲嘢唔叻，外型又特别，夹硬推佢出嚟畀人笑，Connie对此完全唔认同，强调外间认定亚视玩阿仪系有误解：“疫情前阿仪每个月有5位数字人工，我哋(亚视)冇拎阿仪嚟玩，就算佢屋企有事都有提供现金援助。”采访：方骞平 摄影：沈健程

 

Connie唔介意性感，有样有身材嘅佢好有潜质出写真。

 

Connie陪阿仪上庭，又陪佢开记招兼一齐鞠躬道歉。

 

拥有32C-24-35 fit爆身材嘅Connie，被封为“索爆经理人”，网民喺讨论区开Post“薛影仪嘅经理人林宝玉正到癫好吸引”，Connie笑言，“当日着住条黑色紧身裤陪阿仪出庭，搞到网民错重点啫！”

 

Connie有“翻版陈法拉”之称，佢话会分清身份，做幕前就一定要靓。

 

当日林宝玉着住条黑色紧身裤陪阿仪出庭，搞到网民错重点！

 

Connie要挑战自己，无论幕前幕后样样都想试。

 

阿仪吓亲喊惊

Connie系2020年亚姐“网络人气奖”得主，去年开始被赏识转做经理人变咗双重身份，阿仪更成为她上任后第一个艺人：“我对佢百份百付出，最难忘佢喺羁留室(起飞脚踢人事件)，只可以见一个人，佢竟然拣咗揾我，平日阿仪冇乜表情，但𠮶次见佢好无助，然后喊住同我讲：‘我惊呀！’我知佢点样大胆但今次真系惊，𠮶刻好想揽住安抚佢。”Connie坦言阿仪喊住求救一幕令佢毕生难忘，“原来佢好信任我，我比佢家人更亲近。”

 

湿身相好诱人，令人想入非非。

 

两年前，Connie选亚姐时夺“网络人气奖”。

 

阿仪去年著泳衣参选亚姐时，Connie有份做评判。

 

阿仪心灵导师

Connie除咗安排工作仲做埋阿仪心灵导师：“阿仪一夜成名，但佢从未接触过呢行系有啲迷茫，尤其介意被网上欺凌，佢会截图同我讲好唔开心，会有情绪、会爆粗…我除咗要尊重佢感受，好好去保护佢之外，仲要同佢讲解呢行系乜嘢一回事。其实阿仪脑筋灵活，各方面都清晰，佢好清楚知道自己做紧乜，我亦有同佢家人交待佢嘅事。”

 

Connie越洋送过千蚊嘅发光花束畀阿仪庆生。

 

网民喺讨论区开Post赞Connie好吸引。

 

关顾生活所需

阿仪被控以普通袭击及违反“口罩令”两罪等候上诉中，据知几万蚊律师费由亚视一力承担。Connie指亚视一直对阿仪好好，问到收入方面，系咪月入只得6千至1万元呢？林宝玉解释，疫情下好多人都开工不足，尤其娱乐圈，不过，阿仪平均每月出过万蚊粮：“公司Keep住关心佢嘅生活，有需要会帮佢揾生活上嘅赞助，好似之前佢妈妈走咗，亚视有提供现金支援，送上慰问，帮佢解决问题；佢要求学英文，最近又话想学我影吓啲model相，佢咁有兴趣，我都会帮佢安排吓。”

 

Connie可塑性好高，甜又得Cool亦可以。

 

曾同许廷铿哥哥许永铿（Wilson）拍拖，所以同Alfred都好老友。

 

更多新冠疫情资讯，请到以下专页浏览(按此) 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。