头条独家丨AL曾情绪受困吓亲“教母” 爆红压力大失眠匿埋喊
“教主”Anson Lo(卢瀚霆)@MIRROR近日推出新歌《Mr. Stranger》,讲去年底一度压力爆煲感受,他承认自走红后,成为外界焦点,粉丝对他有既定形象和期望,令他因担心表现跟粉丝期待有落差,开始钻牛角尖情绪受困,试过爆喊、失眠,体重直线下降,连“教母”出口开解都冇用,幸好今年初靠新戏角色想通,学识揾到当中平衡,这年更想挑战演老粗角色。
采访:杜杜 发型:Denny ku@CHIC Private I Salon 化妆:Rainbow Chung@Annie G. Chan Makeup Centre 服装:Paul Smith、Joyce、Giuseppe Zanotti
新歌MV甫推出反应已经相当热烈,3个钟即破22万点击,当中吸血鬼造型更获激赞,Anson Lo看到粉丝反应亦好兴奋,“好开心大家好热情,我都有睇大家嘅回应,真系会令到我发笑,用啲字眼真系好cute,哈哈!我唔想读出嚟,咬我𠮶啲,大家用咗好多修辞手法去演绎‘咬我啦’,好搞笑亦都好窝心。”新歌讲大众对他有既定形象,若展露大家不熟识面向,究竟外界是否接受?因这想法令他给了自己很大压力,故想透过这歌跟粉丝分享最真实感受,“我上年年尾嘅压力,因为呢个原因,我好想将自己一个好真实嘅感受摆落呢只歌度,去分享畀我嘅fans听,上年嘅压力爆煲究竟系发生咩事。”
压力来自本身
回想压力爆煲源头,AL承认除了担心手头上搞紧的Project质素外,外界愈来愈多目光或者焦点放在他身上时,就愈惊自己达不到外界期望,好惊令到大家失望,“上年倾过好多同演戏有关嘅Project,倾过好多唔同角色性格或者形象,𠮶啲角色性格唔系大家睇惯斯文、整洁、好正直,可能大家2021年睇到我嘅风格都系偏向咁样,大家突然间见到变晒会唔会好惊讶呢?好多呢啲Project叠住,做每个决定都要谂咁多嘢,真系好大压力。”他承认压力主要来自本身,“人就系咁,好多时困扰嘅嘢,唔系人哋畀你,系自己谂出嚟畀自己。”
承受不到压力的日子,AL连身体都出现问题,“最down情况系爆喊,失眠啦!𠮶排年尾开始就愈嚟愈瘦,我唔知关唔关事,总之𠮶排压力好大,身体嘅吸收能力都好低,所以好似食咩都唔会肥,休息又唔够,瞓得又唔好,所以近排觉得唔得要积极啲去增肥。”不过AL未肯透露实则减磅几多,更承认当时就连最了解他的“教母”出手开解,一样未能帮到他减压,“每晚我返到屋企佢咁啱醒咗,都会出嚟见一见我,佢都会作为一个人生导师同我倾,可能好多时有啲决策上嘅嘢,我都会问佢意见,但系解铃还须系铃人,而呢个铃系自己系上去个头上面,都系要靠自己谂通,好多时我妈咪做一个人生导师角色,但系都唔系100%足够。”
想挑战演老粗
直到踏入2022年,AL拍摄新电影,反而透过演绎角色慢慢释怀,学识放下身上包袱,“1月时我接咗一部电影,个角色名叫‘张子杰’,呢部电影几帮到我,因为主旨系释怀同唔释怀嘅关系,人生要放下嘅嘢有好多种,譬如放下你对自己嘅包袱,做完呢个角色畀咗我好多启发,放下某啲嘢会着数过你去执着。”现在他更揾到个平衡,不会再考虑太多外界睇法,“呢次经历压力爆煲,令我明白到当你内心有呢啲挣扎时,冇人帮到你,就算身边嘅人几识讲嘢都好,你要钻牛角尖咁样谂嘢,系冇人说服到你,其实都系靠自己谂通。我要相信自己判断去做𠮶样嘢,首先一定唔会害到人,二嚟系对自己学习上有帮助,去做一定有好处,如果不幸地大众偏向唔接受,自己都会愿意承担呢个后果,都系一个成长经历,唔应该固步自封。”
想通了的AL,已不怕作更多新尝试,特别在演戏方面,新一年亦有新目标,“好想演戏方面做啲同上年好唔同嘅嘢,同斯文、干净、正直相反,多啲180度转变嘅角色,可以畀大家睇到,Anson Lo都可以做到呢啲角色,演绎到呢啲性格。我想试一啲好粗鲁、烂烂挞挞、不修边幅嘅角色,大家未见过我,同埋自己都未试过嘅演戏方法。”
更多第5波疫情资讯,请到以下专页浏览按此 https://bit.ly/3JqiBzz
立即下载 | 全新《星岛头条》APP :https://bit.ly/3yLrgYZ
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。