头条独家丨陈汉娜更放胆表达自己 拍《香港秘密搜查官》打开心扉

陈汉娜（Hanna）向来给人cool cool哋感觉，最近在剧集《IT狗》搞笑一样掂，Hanna话其实跟角色一样外冷内热，加上今次拍档好合拍，好容易擦出火花。这次访问发现她明显变得健谈，她承认全靠去年首度挑战综艺节目《香港秘密搜查官》后，令她打开了心扉，更加放胆表达自己。采访：杜杜 摄影：沈健程

不过，这天见Hanna明显变得更健谈开朗。

现在的Hanna会更放胆去表达自己。

以往较少演喜剧的Hanna，今次演《IT狗》未有太大压力，因剧情及角色并非要刻意搞笑，反而跟一班演员当正剧一样演绎，会更有喜感。而她认为角色特质跟自己相似也有很大帮助，“因为角色又系𠮶啲平时cool cool哋，睇落去对好多嘢都好冷淡，可能导演觉得呢个特质系有啲似我。”

 

Hanna在《IT狗》演的“蒙玲”会突然激动，所以特别好玩。

剧中Hanna跟凌文龙有不少对手戏。

岑珈其最烦

Hanna本身跟凌文龙和岑珈其都认识，所以合作起来更好玩，而对于凌文龙和岑珈其接受《头条》访问时互指对方好烦，她就认为，“最烦应该系珈其，因为佢个角色好烦，佢又用佢𠮶啲特质放落去，仲烦，我哋一齐拍戏好开心，因为大家有好多群戏。而珈其会成日喺个end位度加戏畀自己，哈哈！会成日话不如我试吓讲多句呢个，明明剧本冇呢句嘢，我哋成日话佢又加戏，但系大家好开心，而小龙𠮶啲烦系对住珈其先烦，对住我好好嘅。”

 

Hanna跟小龙几年前已认识，今次终于有机会合作。

 

Hanna跟《IT狗》台前幕后都合作得好开心。

讲到去年首次拍综艺《香港秘密搜查官》，Hanna坦言估不到Mike导会揾她，“我又唔系做开综艺，一睇个样就知我好闷唔啱佢哋节目，我又唔觉得带到欢乐畀人，好奇怪点解会揾我，但系我都有少少期待，好想了解吓呢个节目系做啲咩，但有时去到拍𠮶日先知道拍啲咩，初头其实好惊，但拍耐咗无形中多咗信任。”见Hanna变得健谈，她承认跟节目有关，“我开头拍节目好尴尬，因系真人骚，每刻都系拍紧嘢，所有时间佢哋都会攞住部机问你嘢，你要不断讲好多自己感受，变咗同佢哋咁样玩完，个人都open咗，我对住朋友都多嘢讲，但系会慢热，我有时做嘢见到陌生人，系会难啲去表达自己。”

Hanna到现在也不明Mike导会点解揾她做“搜查官”。

拍《香港秘密搜查官》挑战了Hanna很多底线，特别是要她攀石。

立即下载 | 全新《星岛头条》APP :https://bit.ly/3yLrgYZ

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。