头条独家丨沙律默认同保锜分手　全裸影写真唔觉尴尬

30岁沙律（张沛乐）最近首度推出个人写真集《CHANGES》，揾来10个摄影师拍摄，仲有她亲自执笔撰文，大讲30年来成长蜕变感受。沙律接受《头条》电话访问时，讲到最难忘是首次挑战全裸拍摄，不过面对住男摄影师完全冇尴尬，但追问男友保锜对写真集睇法，沙律除暗示两人已分手，更坦言最近心情差，仲一度哽咽，睇嚟呢段情过唔到虎年。采访：杜杜

为了呈现蜕变效果，沙律由头发改变，又染发又剪短。

去年7月，沙律在最热时影写真集过程颇辛苦。

沙律去年7月花了一个月为写真集拍摄，但事前准备功夫却足足用了半年时间，因她想将自己过去现在和将来的转变和想法，用最真实一面呈现给读者，“人哋成日话我系‘性感女神’，但呢个唔系完全嘅我，呢个世界有太多标签，所以我用相片加上自己嘅文字表达我嘅谂法。”

沙律在写真集内会亲自撰文，讲出自己想法。

沙律的写真集花了半年筹备，用了一个月时间拍摄。

疫情影响销情

写真集中最大尺度是沙律首次挑战全裸，“我都未试过，虽然负责影相系男摄影师，但系都冇话尴尬，我个人就系咁，决定咗就会好爽快去做，同埋都做足安全措施，又有其他女工作人员帮我睇住。”虽然写真集有超过15个造型，大大部分都好性感，但沙律事前没有刻意减磅，“有节食吓，食得清淡啲，食多啲菜咁，都系正常做运动，冇刻意去减磅，只系想呈现最真实嘅自己。”

 

因疫情未能举行签书会，沙律的写真集《CHANGES》销情大受影响。

沙律就是凭这张相弹起，成为宅男女神。

写真集公开发售一星期，可惜遇上疫情第5波，沙律坦言销情大受影响，第一版2千本，暂时只卖了一半，“绝对有影响，因为最初系预咗会搞签书会，同fans见吓面影吓相，但系而家搞唔到，好多人会觉得等疫情后有签书会先买，不过好彩都有啲fans好心急照样买咗，不过我承诺只要疫情稳定返，有机会我一定会开签书会同大家见面。”

沙律暗示同保锜一年情已玩完。

沙律仍保留上年10月生日，保锜为她庆生的贴文。

提保锜一度哽咽

去年11月，沙律同保锜疑似情海翻波，前者删除IG上与保锜的合照，发文更意有所指：“过去就不想了，希望新一年能遇到更好的人和事。”而保锜就删剩两张与沙律的合照。月初男方出席叱咤颁奖礼，问及分手一事即落闸表示：“感情事唔方便回应。”而25日保锜31岁生日，沙律再取消关注男方，之后保锜也取消关注沙律。追问沙律男友点睇写真集，她先说：“佢如果支持都开心嘅。”再问为何会删合照，甚至取消关注，她说：“唔回应啦！唔需要回应啦呢件事！（系咪大家见咁样就系咁解？）系啦！就系咁解啦！（系咪已经冇联络？）我唔回应啦！大家睇到咩就咩！”问到保锜是否知道她出写真？她说：“咁正常都知嘅，希望佢都会支持，理解吓我里面文字讲嘅嘢，希望佢一帆风顺，事业顺利。（唔祝佢生日快乐？）好多人同佢讲咗生日快乐，佢好开心，唔回应太多。”

去年11月，本报拍得沙律跟女友人狂呻压力大。

沙律踏入2022年即删除与保锜合照，发文亦意有所指。

不过问沙律去年11月本报发现她跟女友人食饭，其间呻自己压力好大，问到是否跟感情有关？她一度哽咽，“我系……心情都差嘅，好多因素啦！所以买我本写真，睇吓我里面啲文字，对大家都有帮助嘅，唔紧要，每个人都有开心同唔开心，最紧要由唔开心，蜕变一个新嘅自己。”讲到新一年愿望，她说：“所有嘢都事事顺利，做到自己钟意做嘅嘢，而𠮶样嘢令到人认同，明白沙律系一个点嘅人，熟识我嘅朋友清楚，我系个好直率好善良有𠮶句讲𠮶句，为身边人好嘅人。（想唔想行桃花运？）哈哈，都买咗桃花，希望今年桃花人缘都好返晒。（唔要烂桃花？）系，一定嘅。”

日前保锜31岁生日，未有跟沙律庆祝。

沙律取消关注保锜，跟着保锜也取消关注她。

 立即下载 | 全新《星岛头条》APP :https://bit.ly/3yLrgYZ

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。