头条独家丨张伟文再接受腰椎手术双脚有返啲力 经理人方俊好感动

因爆发第5波疫情，“靓声王”张伟文余下两场本月12日及14日嘅《友情有义演唱会》被迫延期，张伟文好友兼经理人方俊(Aman)只望改期不会影响到票房，因为张伟文会用今次的演出歌酬来付担6位数字嘅腰椎手术费。

Aman呼吁fans要力撑张伟文，可以嘅话就唔好退飞。

 

去年底张伟文顺利举行首场个唱邀得姚炜做嘉宾。

 

强壮肌肉后试行

张伟文年前患病不良于行，幸得友人、歌迷等支持，当民乐坛好友Aman出钱出力，关心他健康、起居饮食，对伟文照顾更是无微不至。Aman认为有健康最重要，尤其想改善到伟文嘅生活质素，出入唔使依赖轮椅，所以按脑脊椎专科蓝医生提议，原先安排张伟文完成个唱后入院接受微创手术，执走压住张伟文神经线嘅软骨，希望术后对伟文有帮助，有返脚力可以企返起身喺舞台唱歌。虽然最后有两场个唱要延后，但手术如常上周进行。昨天Aman陪伴咗张伟文去覆诊，医生指张伟文手术成功，不过有待做物理治疗强壮返啲下肢肌肉，才能尝试步行。

 

张伟文为自己有返啲脚力鼓掌。

 

张伟文即时郁动双脚给Aman睇。

 

两人感谢主诊蓝医生。

Aman望大家集气

昨天见张伟文清减咗，Aman指张伟文手脚冰冷，血气唔够，要给他补品。不过，张伟文却显得相当风骚，除拍晒手及竖起手指公为自己打气外，不时展露开心笑容，仲好好唱口。Aman追问张伟文，做完微创手术有冇好转呀？只脚郁得有冇好啲呢？张伟文即点头回应话有，更示范转动双脚脚踝说：“好返好多囉，再冇麻痺嘅感觉，不过，有时攰就会有啲麻。”Aman见伟文表现咁好都表示满意及感动，更补充说：“佢真系好返好多，以前上落要托住佢对脚㗎，希望大家集气畀伟文，同埋祝大家身体健康，新年快乐。”张伟文碌大双眼不停笑住哼歌，几年来难得有咁精灵。

张伟文终于笑得落。

 

不过伟文血气唔够，手脚冰冷及甩皮。

 

张伟文未知几时可以企番起身唱歌。

 

《友情有义流行经典纪念专辑》中Aman占《奔向未来日子》及《但愿人长久》两首歌。

 

张伟文开骚时，Aman喺后台睇到实，出心出力。

立即下载 | 全新《星岛头条》APP : https://bit.ly/3yLrgYZ 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。