头条独家丨张沅薇复出恨跟姜涛合作　提偶像少女心大爆发

49岁的张沅薇（Amy），90年代主持儿童节目《闪电传真机》，在短剧中扮演“吱吱鼠”令为人熟识。息影20多年专心照顾两个仔的她，早前为《童你一起长大了》做嘉宾，获赞冻龄有术，最近更宣布复出。自爆是“姜糖”的Amy，提到姜涛即少女心大爆发，未来她除了想尝试做KOL，最想跟偶像合作演母子。采访：杜杜 摄影：沈健程

Amy复出后，想向KOL方面发展。

跟Amy同期主持《闪电传真机》有谭玉瑛、黄智贤、朱茵、麦包及骆俊文 。

15岁便被发掘当模特儿的Amy，加入TVB除主持儿童节目，还有《翡翠音乐干线》及拍剧。97年Amy决定离巢，可惜发展未如理想，刚巧跟音乐人王双骏相恋并怀孕，决定专心凑仔淡出幕前，现在儿子分别22岁和15岁。问到y两子点睇明星妈咪，Amy说：“佢哋知道我做过电视唔系好红，好红就继续做啦！我同佢哋讲，要唔做先生到你哋。”。之后一直做文职的她，几年前跟圈外人结婚，丈夫和一对儿子都好支持她复出，“佢哋觉得只要我钟意就得。”

Amy离开TVB后，曾跟任达华及于莉等拍内地剧《绝地苍狼》。

大仔唔抵得姜涛

Amy早前拍《童你一起长大了》见到一班旧同事好开心，却未惯面对镜头，“对镜头梗系NG，好生硬囉！唔好意思阻佢哋收工，但无计啦！”她透露节目出街后，即有人邀复出，“啲朋友都叫我出返嚟做，话我仲见得吓人㖞！哈哈！我又唔信佢哋，但后尾真系有啲人揾，咪谂一谂囉！不过再签电视台就未必，譬如做KOL讲吓护肤养颜煮嘢食，教吓人哋化妆，虽然我唔系好叻，但都有啲经验同心得同大家倾。”

为了专心照顾两个儿子，Amy选择息影多年。

Amy一度被误会当知客，其实是私人会所公关。

近年Amy有留意MIRROR令娱圈更有活力，仲自爆是“姜糖”，提到偶像她即超级兴奋，“姜涛同我大仔同年，好有亲切感，要支持特别乖嘅年青人，我系姜糖嚟，但唔敢去追星，有Friend追，但我惊畀人笑，不过我会日日听佢啲歌，每日都睇好多次MV，帮佢点击。（叱咤有投票？）呢个系基本fans要做嘅嘢，我系一个尽责嘅妈咪嚟，哈哈！”原来大仔都知她是“姜糖”，“佢梗系唔抵得啦！同佢同年，又靓仔过佢。（想合作？）做路人甲乙都得。（姜涛做你个仔都似样。）真系㗎！今晚瞓唔着，谂吓都好，一讲呢啲对眼发咗光。”

Amy早前返娘家为《童你一起长大了》做嘉宾。

Amy自去年姜涛叱咤颁奖礼得大奖，便开始留意他。

 立即下载 | 全新《星岛头条》APP :https://bit.ly/3yLrgYZ

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。