头条独家丨陈豪坦认暂时拒同陈茵媺亲热 小心防疫 一Cut机即弹开兼戴口罩

本港爆发第5波疫情，拍紧TVB新剧《四十二章经》的陈豪，因为仔细老婆嫰，防疫意识特别高。日前佢喺中环闹市拍外景，剧组被大班街坊围住，被围喺核心中间嘅陈豪戏外九秒九戴返个口罩，兼且弹开同人群保持距离，为人为己真醒目。佢仲自爆因为拍剧要四围去，所以呢期拒绝同火辣辣嘅索妻陈茵媺亲热，瞓觉仲Keep住戴口罩，好彩当日系陈豪最后一日开工，恭喜陈茵媺。采访：方骞平 摄影：沈健程

新店开幕 场口讲陈豪、龚嘉欣新店开幕要切烧猪庆祝。

核心中间 陈豪被围喺核心中间，现场都几大堆头。

 

急戴口罩 一Cut机，陈豪即急急戴返个口罩。

陈豪(阿Mo)、龚嘉欣及江嘉敏等人喺中环结志街一间肉食公司拍一场最齐人嘅结局戏，剧情讲述阿Mo跟龚嘉欣因为新舖开幕获亲友前来道贺，切完烧猪一齐食。当日戏里戏外都相当热闹，朝早十一点几先有天王巨星周润发揸车路过同剧组惊喜打气，他大声说：“拍完好走喇！”原来发哥同朋友行完山去到附近买糖沙翁食，咁啱喺饼店撞到剧中演员马海伦，所以兜过嚟同TVB剧组打个招呼，不过呢个“路人甲”喺一秒间就绝尘而去，连陈豪都唔知发哥曾经现身。

够晒热闹 当日结局戏最齐人，戏里戏外都好热闹。

有求必应 马海伦及江嘉敏等在外景附近饼店撞到发哥即合照，发哥更请食早餐。

拍剧避唔到同人接触

镜头前嘅陈豪擘大口食烧肉，食得相当滋味，仲同演员贴晒身演出，镜头外非常惊青，火速戴返个口罩，而且注重社交距离。陈豪认真说：“拍戏人多，既然控制唔到人群聚集唯有小心啲。尤其我屋企细路多(两子一女)，㖊晚瞓觉我都戴返个口罩…系咁㗎喇，要为佢哋保持安全性，求个安心啫！因为喺条街接触咁多人，都唔知会发生乜事。”记者追问他，岂非要跟陈茵媺保持距离？阿Mo笑住坦白承认：“少少啦，一阵啫。(老婆咁索咁热情㖞！忍得住咩？)唔紧要啦，暂时啫。哈…”问到会唔会再追多个？他称冇呢个家庭计划，但两公婆都钟意BB，除非有“意外”啦。
 

相当投入 剧中陈豪同龚嘉欣及小演员零顾忌演出。

暖男老公 陈豪为确保家人安全，就算喺屋企都会戴口罩。

边食边讲 陈豪食住烧肉讲对白。

食咗先算 陈豪喺人群中要擘大口食烧肉。

暂停接触 陈豪喺疫情下冇得同索妻陈茵媺有过多身体接触。

索爆人妻 陈茵媺虽然生咗三个小朋，但仍然好索。

 

家庭为重 陈豪好重视家庭生活，大时大节必定会庆祝。

做人要坚持自己信念
今年台庆，陈豪视帝五大不入，他轻松面对仲有套加油理论：“人生系重要嘅，但唔系为奖项，有奖等于搭吓膊头有少少奖励，冇奖唔代表啲戏唔好，因为之后仲要接受好多挑战，所以唔好放松及气馁，做艺人同做人一样要有耐性、坚持及信念，教仔女我都会咁教。做艺人更加要吃得开、玩得开、做得努力。” 

首夺视帝 2007年，陈豪凭《溏心风暴》首夺视帝。

立即下载 | 全新《星岛头条》APP : https://bit.ly/3yLrgYZ 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。