38岁的徐天佑出身于组合Shine，有传天佑同又南因政见不合，19年宣布分开发展。15年11月，天佑同拍拖8年的富贵女友Olive结婚，去年9月离开合作20年的经理人公司，并坦言离开舒适圈是为了试新嘢。其实近年天佑已作出不少新尝试，如推出个人专辑及拍剧，发展唔错，专注事业及家庭之余，天佑亦很懂得享受生活。日前就见到佢喺锣湾独自行超市，见佢拣嘢滋滋悠悠，行足成粒钟先埋单走人，咁慢活难怪个样Keep得咁Young啦。采访：梁志明

 

​ 天佑行超市行到好似散步咁滋悠。 ​

 

从天佑买嘢可见佢嘅典型金牛座特质：木讷、滋悠！每样食材都慢慢睇，慢慢研究，行足成粒钟先埋单走人，完全专注喺自己世界，睇得出佢非常享受悠闲生活。

 

拣海鲜问得清清楚楚，最后买咗啲蚬。

 

拣日本面拣到弯晒腰，好认真。

买食材好细心拣

不论拣海鲜、面、酒，天佑都仔细研究，又弯腰睇，又拎上手摸，争在未用埋个鼻闻咋！加上超市一样产品有好多选择，他似乎拣到头都大埋，见佢都拣咗好耐，呢样又觉得好，𠮶款又好似几唔错。买晒食材又买埋酒，几乎所有食材都是日本嘢，就连酒都拣日本啤酒，话晒他曾在日本修学半年，又学埋日文，呢日见他连食材都专攻日本嘢，就知他多热爱日本文化嘞！行咗约一小时，满载而归，就等司机来接归家。

 

买到一手一袋，Call司机接返归。

 

天佑之前参演剧集《二月廿九》大获好评，早前亦有拍摄续集《940920》。 ​

 

同老婆Olive结婚6年，非常恩爱。

 

天佑早前推出自创歌《匆匆》，宣传照用20年前的自己做比较，依然好童颜。

 

天佑2002年与又南组成Shine，不过2019年宣布分开发展，有传二人因政见不合拆伙。

 立即下载 | 全新《星岛头条》APP : https://bit.ly/3yLrgYZ

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。