头条独家丨岑珈其狂派笑弹累NG 拍《IT狗》被陈湛文余逸思怨

岑珈其、陈湛文（Peter）和余逸思（Yoshi）首度合作ViuTV新剧《IT狗》，由于剧集属轻喜剧，加上群戏多，三人都话拍得极度开心，未?观众笑前，一班演员现场已笑餐死。Peter和Yoshi更怨拍剧经验最丰富的珈其，经常狂派笑弹，搞到大家忍唔住笑要NG，不过他们都希望原班人马有机会再合作。采访：杜杜 摄影：叶君海 服饰：htoo@eye's Buddy、mijosu(Peter)、doublepark(珈其)

三人都话一班演员合作得劲开心。

珈其去年试了综艺及做DJ，今年想试做舞台剧。

珈其承认剧中好多对手都是初次合作，但好快便熟络，镜头前后都有讲有笑劲开心，“真系拍得好开心，基本上每个场口都会有爆蟹（行内术语即爆笑）NG。有次我要喺度食虾饺，导演就话今次试吓夸张演，好似漫画咁，我就试一个，我喺度夸张做，佢哋个个全部笑到震晒，Peter算系比较忍到，但都焗焗哋蟹（忍紧笑），后尾全部人爆晒出嚟。”第一个爆笑的Yoshi话，“因为𠮶幕真系好卡通化，佢本身都黐线，但系再黐线10倍。”Peter亦投诉珈其会先忍不住笑，“佢自己都心虚，只蟹就漏咗出嚟害埋人。”

珈其被爆对住凌文龙特别容易放笑弹。

《IT狗》表现获赞，Yoshi想新一年多演戏。

镜粉经常万岁

由于拍得开心，加上镜粉经常万岁撑偶像，搞到Yoshi心广体胖。珈其说：“大家成日万岁开心吓，最劲有次Lokman fans同皮皮（Frankie）fans都万岁，分咗午餐场同晚餐场，几夸张，包咗成组食饭仲有甜品。”Yoshi补充，“佢哋系要推车仔入嚟，一箱箱咁，𠮶时我系肥咗，谂住减肥都减唔到，Hanna（陈汉娜）佢系食素，每日午餐盒喺度食蕃薯，我见佢愈食愈瘦，我就愈食愈肥。”初次拍ViuTV剧的Peter，更用好享受来形容，“好大原因系呢班人令我好开心，纵然我哋会拍成14至16粒钟，其实系好攰，但有大家互相陪住一齐笑，就算攰都会生返啲力出嚟，可以继续做返戏，煞科我系有啲挂住，甚至期待同一个班底有第二样嘢会发生。”

Peter囡囡出世3个月，所以新年望努力揾钱。

剧中Peter同Yoshi演斗气冤家，擦出不少火花。

立即下载 | 全新《星岛头条》APP :https://bit.ly/3yLrgYZ

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。