冯德伦赞《IT狗》好笑 出Po搲捞唔好剩系用佢张相

由凌文龙、杨乐文、岑珈其及陈湛文等主演的ViuTV电视剧《IT狗》，深受观众及网民欢迎，因为题材贴地又好笑，寸爆香港社会现象，话题性十足，之前更邀请到“薯片叔叔”曾俊华客串，原来韩仔心心手势由佢创作出嚟，真系失觉晒。近年主力拍美剧冯德伦导演原来都系《IT狗》迷，唔只赞好睇，仲话好想参与㖭。

 

揾到曾俊华客串都好黐线。

 

冯德伦搲捞好好笑。

 

《IT狗》第4集，讲述Pay Pay Duck团队参加创科比赛，彭秀慧系评审，Pay Pay Duck老板凌文龙为投其所好而Hack入彭秀慧电话，见到佢同冯德伦有张合照而自觉女方好钟意男方，就作出大胆嘅提议，就系将写字楼贴满冯德伦嘅海报，甚至整埋人型立牌，等彭秀慧参观公司时充满惊喜然后对团队加晒分。

曾经拍过两套电视剧《新鲜人》及《老冯日记》，近年拍过两套美剧，分别是2015年的《荒原》以及Netflix的《五行刺客》的冯德伦都睇得好开心，仲出Po搲Job添。“We  need good comedy?Next time don’t just use my photos， ask me to join”(我哋需要好嘅喜剧，下次就唔好剩系用我张相嘞，叫埋我一齐玩啦。”该剧简导演留言表示多谢。

 

全公司帮手贴冯德伦海报。

 

全部黑白相仲要有大有细张，制作好认真。

 

皮皮连件衫都有冯德伦个样。

 

窗都贴满晒。

 

好好笑。

 

彭秀慧剧中饰演数据港首席项目总监，佢去参观Pay Pay Duck发现全公司贴满冯德伦相当疑惑。

 

Pay Pay Duck老细话佢好钟意冯德伦，所以全公司贴满佢个样。

 

冯德伦应该睇到大笑。

 

为怕被发现，凌文龙同员工洗脑。

仲有纸版人。

 

另外，寻晚𠮶集完美重现电影《英雄本色》的多个经典场面，陈湛文更Po咗个深宵感触文，“今晚ep8，我谂我哋全team都既紧张又期待呢一幕，虽说呢一幕有戏仿成份，但我同凌文龙拍摄时其实好紧张，就正正因为佢系《英雄本色》、正正因为佢系狄龙、正正因为佢系周润发，佢哋都系站于香港电影界一个好重要嘅位置。呢一幕系简导由衷想向《英雄本色》致敬嘅一笔。”

 

剧组真系好认真好厉害。

 

真系一模一样。

 

呢幕笑出声。

 

黐鬼线剧组。

 

立即下载 | 全新《星岛头条》APP : https://bit.ly/3yLrgYZ

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。