吴肇轩喂街猫喂出感情 想收编发现剪耳Hold住先

呢期睇ViuTV成日见到吴肇轩，因为佢同凌文龙、游学修及陈湛文轮住主持节目《演员‧门》。吴肇轩本身有两只狗狗黑啤和猪皮，之前受访提到两只够晒数，因为好惊佢哋离世会好伤心，但缘份就系咁奇妙。

吴肇轩首做主持反应唔错。

吴肇轩本身有两只狗。

吴肇轩见到只好得意嘅啡色街猫，因为猫猫跟住佢，所以就忍唔住买罐罐喂佢，愈喂只猫就愈黐佢，需知道喵星人都好蛊惑，搞到吴肇轩都好想带佢返屋企，但发现佢剪咗耳，觉得应该有人照顾紧佢而打消念头。不过出Po后，好多猫友都留言告知，剪耳只系代表只猫猫系绝咗育，希望佢可以令猫猫有个家，由于群情汹涌，吴肇轩即表示，“大家唔好咁紧张，等我呢几日了解下佢个情况先，朋友话，多数义工带咗佢去绝育之后放返出嚟，系代表𠮶区应该有人会负责佢。”咁猫猫有家当然好过流浪啦。

成日喂猫猫。

个眼神好似叫吴肇轩带佢返屋企咁。

 

立即下载 | 全新《星岛头条》APP : https://bit.ly/3yLrgYZ

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。