曾抗拒全部恋情新闻 袁伟豪终于豁出去：唔再咁大男人谂嘢

袁伟豪（Ben）受访TVB娱乐新闻台节目《StarTalk》，大谈成为创作歌手推出新歌《你是你的另一半》感受。Ben说：“其实唱歌系一直以嚟嘅梦想，冇谂过有机会用唱歌成为我其中一样事业，好似发梦，中间有一段时间唔再谂唱歌，想放弃，连结他都收埋，放喺度线都生诱，自己觉得好似唔识弹嘢，只系间中拎出嚟望下，好灰㗎！支结他好似俾人抛弃咁。”

未婚妻张宝儿（Bowie）亦为Ben的歌曲填词，Ben希望将来大家结婚，可以用此曲作为求婚歌、结婚歌，甚至婚宴上播放成长片段的歌曲。问到情侣档合作时，Ben说：“有一期自己好抗拒，连工都唔想返，拍完嘢即刻想走唔想做访问，我直头觉得𠮶个时期自己唔系一个演员，因为我拍套剧减20磅，搞到半死，亲身上阵危险场口，大家只会问Bowie担唔担心，第日嘅新闻全部都只系袁伟豪张宝儿，次次都系讲感情事、拍拖同几时结婚。依家我都要豁出去，我唔能够再用咁大男人心态面对，既然出歌同踏入人生另一阶段都系开心事，不如自己唔好谂咁多无谓嘢。”

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。