【头条独家】连出3剧冇增加信心 洪永城望跟黄翠如齐攞奖

洪永城（Tony）最近人气好旺，因为继主演的《多功能老婆》后，接住有《丫鬟大联盟》和《黄金有罪》推出，虽然3套剧时空都不同，但Tony坦承都担心观众会睇厌自己，不过他不认为对即将举行的颁奖礼有帮助，获5项提名的他，更坦承信心不大，只睇好自己跟黄翠如凭合作主持的《出走澳洲》得奖。撰文：杜淑霞 摄影：李权威 发型：Jun Choy@HH.hair.nail 场地：不倒翁中日火锅料理
对于连出3剧，怕唔怕观众睇厌，Tony坦言：“会㗎！好彩《丫鬟》同《黄金》角色好唔同。”讲到拍《丫鬟》，Tony话虽然演个少爷仔，但绝对非一般，“佢唔钟意读书，净系钟意发明。最难忘有次佢发明咗支火箭要试射，𠮶场戏专登去到好远拍，有个大草地，仲好卡通咁试射失败咗，搞到我成面都黑晒。”
同女友出埠度假
讲到在颁奖礼获5项提名，分别凭《丫鬟》提名《最佳男主角》、《多功能老婆》提名“最受欢迎男角色”及“最佳男配角”及《出走澳洲》跟黄翠如提名“最佳节目主持”及“最受欢迎电视拍档”。Tony直言因《丫鬟》未播完，所以对于得奖都觉得机会渺茫，唯一对《出走澳洲》较有信心，“播出嘅时候，观众睇见我哋吵吵闹闹，反应系几钟意咁，有机会攞‘最佳拍档’。”

圣诞节及新年Tony会跟女友梁诺妍去外游，“虽然佢成个12月飞咗三转拍嘢，但系对唔住佢都要陪我再飞，我好耐冇放过假，会去泰国或者缅甸，过埋年先返嚟。”Tony仲赞女友好有做旅游节目天份，“我哋到时会拍啲旅游片，可能会喺社交平台分享畀大家睇。”不过问到会否提议公司揾埋女友一齐主持节目，他就唔多想，“呢个机会唔大，不过新一年都有几个节目想拍，其中一个叫《火锅人生》。”

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。