接二连三演泼辣角色　吕慧仪获封“TVB御用港女”

《爱回家》系列又再添食，嚟到今辑的《爱回家之开心速递》，虽然有“马虎”刘丹救亡，拍住“长脚蟹”吕慧仪、单立文，加上大堆头的新血，播咗接近两个月，似乎都系冇乜noise。

有网民唔多Like《开心速递》十足翻版《一屋老记友》，首先系用返同一个旧屋场景，只稍作改动，非常悭皮。另外，吕慧仪再次扮演泼辣港女，同《老记友》嘅“余花”一样，乜都可以嘈一餐。只不过余花系同剧中嘅老公张颕康、屋企人滕丽名等等“开拖”，而在《开心速递》中，改为与细妹“熊心如”苏韵姿、“高栢菲”汤盈盈吵到面红耳热。

虽则扮无理取闹嘅港女，吕慧仪驾驭得入型入格，亦因为演港女搏得掌声，但在《亲亲我好妈》再演怪兽港妈，《开心速递》又再翻炒，睇得太多始终都闷，难怪网民都封吕慧仪成为“TVB御用港女”。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。