颱風樺加沙｜直擊掃貨潮最新畫面 驚現$50一斤菜 超前掃清多店變「吉舖」 網民：飢荒咁｜Juicy叮
颱風樺加沙襲港，全城戒備，直至今日(22日)下午及晚上，仍有不少網民分享各區掃貨潮情況，有人用「慘不忍睹」來形容貨架全清場面，多間麵包店、肉店、超市等貨架被「超前掃清」，罕有地變成「吉舖」，有網民又發現，有菜檔將菜價大幅提升至50元一斤，質疑有人趁火打劫。
多區掃貨迎颱風的最新情況如下：
直擊掃貨潮最新畫面 驚現$50一斤菜 網民：超前掃清：↓↓↓↓
不少網民今日（22日）分享下午至旁晚各區掃貨情況，有人到連鎖肉店錢大媽發現店內作如吉舖：「「好癲，我經過錢大媽(唔係諗住買)，然後見到入面係乜都冇嘅，跟住有個婆婆問店員：咦？咩都冇嘅係咪裝修啊？店員表示：唔係呀，係俾人買哂啦。......誇張到咁樣洗唔洗啊lol。」同樣被掃清光的還包括麵包店，有網民分享麵包架上一包不剩情況，坦言：「是飢荒嗎？」
50元一斤「BB油麥菜」惹非議
有網民分享有街市菜檔竟以50元一斤「BB油麥菜」，掀起網民熱議，不少網民質疑趁火打劫，有人坦言：「唔食兩日菜，唔會死弓。」「留返畀佢自己食。」各大超市的排隊付款人龍有增無減，有網民在店內排隊時，竟發現人多到「兩邊龍尾喺店中間相遇」，有人甚至找不到龍頭。有人用手推送貨車，大手掃入多箱即食麵，拍到的網民形容：「打兩日風啫，好似開倉賑災咁。」
「場面誇張到好似拍災難片」
掃貨潮由昨日（21日）展開，網民今日(22日)早上到街市，亦發現出現搶貨潮：「場面誇張到好似拍災難片。」有網民指今日菜價有輕微上升：「基本菜每斤20元。」昨日及今早掃貨情況如下：
直擊多區超市街市掃貨！人龍排到出門口 菜架肉架麵包近清倉 網民：好癲：↓↓↓↓
超強颱風逼近，不少網民在社交平台分享超市出現的驚人掃貨情況，有網民形容：「香港人嘅防風能力真係不可輕視。」「好癲。」「好誇張。」
有網民更以「慘不忍睹」形容超市一些貨架被掃光情況，綜合網民報料，菜架、肉架、麵包、即食麵及樽裝水均成為搶貨目標，多區超市相關貨架幾近清倉。
網民：港人嘅防風能力真係不可輕視
有網民指出，連較昂貴的有機菜亦被搶光：「$27包有機菜都好多人買。」此外，超市付款處排滿人龍，有網民表示，收銀已「有三位職員收錢，但畀錢都要排長龍」，連平日快隊的自助付款機亦現長長的人龍。
有網民表示：「諗住去超市買少少食物, 點知原來行遲一步，條俾錢隊排到出門口，半小時都應該未到......」
有網民又表示：「超市勁多人，見到啲杯面、麵包差唔多俾人清晒。排隊嗰陣後面個伯伯：『而家打風唔係打仗，打仗你班友咪死得。』」
街市亦現搶貨潮 網民：間間鋪都排到癲咗
有網民今日(22日)直擊街市情況表示：「今朝落街買餸，場面誇張到好似拍災難片，街市老闆個個話聽日唔開，將五日貨今日一次過散晒，啲人推住車排到巷尾，加上今次打風可能打兩三日，所以間間鋪都排到癲咗，最驚其實唔係買幾多餸，係返到屋企先發現—雪櫃根本唔夠位......」
有網民去街市買餸亦謂：「今日（22日）去買餸，見到嘅人潮好似除夕辦年貨咁多喎，好誇張呀。」
菜價有上升：基本菜全部20蚊斤
有網民實拍今日（22日）街市情況，菜價有上升，樓主表示可接受：「基本菜全部20蚊斤，還好。」
有網民以「街市大混戰」形容街市現場，從實拍照看到多部買餸車塞在街市道上，有不少市民打風前到街市掃貨。
來源：Threads＠manziyu5089、edmond_lllll、milktea201408、chris_tam_18、hanachoir_lostumissuwannaholdu、ngjoyceys、____rh、
supermarket.oops、calvin_stch、lifelazier、agnesych_、seewinwin、yautaitung、wingwongbm、olivia__leung、yonmiu2、master_kam_kam、kevin.hollyvlog、clara_arale、rachaelcher、freedalam
最新畫面來源：Threads＠happy._.319、jonathan.tototo、fukwawong、wongwingyiu624、david_80s_uncle
、makeup_trialnerror、_sinyi、too.lazy.to.roll、marsha_fung、cclouddddddd、wingyuwingyu、nicolabbyan、tuenmunlocals、hejnommonjeh、tingshu、lokpy_lee、nicolabbyan、drpatrickvet
相關熱話：
颱風樺加沙｜8號波要返工！醫護爆很多同事1招應對 護士網上徵司機打風接單：好驚無車搭｜Juicy叮
颱風樺加沙｜瘋傳超跨張部署搶逾百枝水？大量「尿袋」狂叉電：停電兩日都生存到｜Juicy叮
颱風樺加沙｜山竹襲港「受害者」教防水5絕招 免水淹家居：忘記當日慘況嗎？｜Juicy叮
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
