港隊不敵新加坡 球迷代表自責：打氣可以再做好些 以七字概括教練韋斯活調動
【香港對新加坡】港隊於昨晚（18日）亞洲盃外圍賽主場對新加坡，上半場領先一球之下，於下半場被短時間連入兩球，以1比2落敗，提前出局。港隊球迷組織「香港力量」成員恆仔今早（19日）於商台節目談及感受，他明言「需要時間沉澱」，但作為資深港隊球迷，已見慣球隊有勝有敗，不會當「勝利球迷」，一定繼續支持。不過其個人認為，自己有一些事情可做得更好。
香港對新加坡︱球迷：休息完再出發
恆仔表示作為球迷代表，雖然沒有實際權力，但始終有責任帶領球迷打氣，因此感到「好抱歉」，指「尋晚看台上發生好多事」，例如有兩支大旗桿在開賽前斷裂，嘗試盡力救回也失敗；場地設計上，對於球迷的傳聲有少許限制，自問在打氣方面「有啲嘢可以做得更好」，唯有「休息完再出發」。恆仔指，其實整個看台效果「又唔係差」，而本港有4萬多人入場，也是一個好信號。
相關新聞：
香港對新加坡｜港隊1:2不敵新加坡亞盃外出局 47762人入場再破紀錄
香港對新加坡︱不當「勝利球迷」 繼續支持港隊
本港在亞洲盃外圍賽提早出局，除明年3月作客印度的賽事外，會有一段時間沒有國際A級賽事。恆仔認為國際賽就是一個很好的學習過程，球員也好球迷也好，都要學習面對輸球，其自身也是足球教練，更明白這一點，「都要學識輸波先至識之後點樣處理（勝負），可能過去一段時間，大家睇香港隊都係比較順。今場雖然話係『生死戰』，但其實好多球迷之前都係覺得會贏，所以先至有個落差喺度，會失望，呢個對大家都係好寶貴嘅經歷。」
他又提到作為球迷，今年3場在啟德主場館舉行的大型賽事，都令港人非常難忘，他希望大家不要那麼輕易遺忘這些時刻，好好記住這些畫面，繼續支持港隊。「以前都係幾百人入場，今年去到4萬幾人，係一個過程。都要俾返個肯定香港人，東亞地區邊個可以有咁樣嘅入場人數。」不過他亦建議，日後可以再早一些讓球迷提前入場準備，舉例指今年英超球隊利物浦、阿仙奴等訪港時，球迷可以提早一日入場，希望日後本地球迷也可以有這種機會。
恆仔指作為港隊資深球迷，無論主場作客都到場支持，不會當「勝利球迷」。他笑言：「以前睇得港隊，大部分時間都係輸，係呢幾年先至順返啲。0比7我都睇過兩三次，試過喺釜山一落機，即刻輸一次0比6，天氣又凍。」
香港對新加坡︱七字概括韋斯活調動：點解唔可以早啲
恆仔又提到，亞洲球迷文化很獨特，不同地區之間球迷不像歐洲般那麼敵對，其實他們與新加坡球迷組織相識多年及相當友好，自己十多年前推動打氣文化時，對方都十分落力幫助香港，相互之間亦會踢友誼賽。
賽後港隊教練韋斯活受到廣泛質疑，港隊下半場體能明顯下降為何未有及早調動，以及為何要到補時階段才作第二次換人。恆仔表明「唔想煽動大家對教練不滿」，不過自己內心也會有不同看法，例如「調動點解唔可以早啲發生呢」。他指雖然自身有踢業餘賽事以及帶隊，但始終11名球員不是其負責排陣，教練亦不是他聘請，可能有許多因素自己未必知道。他亦坦言足球就是如此殘酷，哪怕很用心、很努力踢，但「你15分鐘唔集中，一兩個失誤就可以帶來好嚴重後果」。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
