保錡晒阿叻合照後首受訪︰識啲要識嘅人 否認被「雪藏」稱請假求學

ERROR成員吳保錡自新年期間在社交網公開與陳百祥（阿叻）合照並自封「ViuTV叻仔」後惹負評兼脫粉潮，神隱多個月後，即使出席活動也拒絕受訪。後有《東周刊》獨家爆保錡被公司下「封口令」，要求行事低調，並守行為半年。保錡今日（21日）出席「全運會」活動，終於接受訪問。

肥仔指ERROR 4人出場費好貴

保錡指公司是有愛大家庭，給予自由度，沒「雪藏」機制，是自己選擇不接受訪問。他解釋之前向公司請假，報讀為期3個月的運動科學課程，已考取證書。問有否後悔曬出與阿叻合照？他笑說：「玩火自焚，我就係人板，搞笑還搞笑，要學識唔係太搞笑嗰啲，就唔好搞喇！（學精？）醒啲囉！識啲要識嘅人，唔需要識嘅，就唔需要識囉！」保錡自言之前思想「脫軌」，現時要專注。談到與緋聞女友菊梓喬（Hana）的感情事，保錡即封口不談。問手上刺有P和H字的紋身意思，他解釋是PK，代表保錡。至於早前被影到與Hana行街拍拖，他指不談感情生活，行街正常，又說也與肥仔行街。感情事保持低調？他説：「我唔係一個太出色嘅人，等我做得出色啲先，唔好影響到其他人。其實我都影響咗隊友，深表非常遺憾，我先做好自己，唔好影響人。」

是否影響ERROR隊友失工作收入跌？肥仔笑稱是誤會，4位成員的出場費比較貴，以現時經濟狀況之下無人請得起他們，故此只接單頭工作。兩人透露將出新歌及演出澳門騷。

保錡晒阿叻合照後首受訪。

保錡晒阿叻合照後首受訪︰「識啲要識嘅人！」

保錡否認被公司「雪藏」，稱請假去求學。

保錡影響ERROR隊友失工作收入跌？肥仔笑稱是誤會。

保錡出席ViuTV《第十五屆全國運動會》記者會。

保錡吃了虧學了乖。

保錡令ERROR隊友收入跌？以現時經濟狀況之下無人請得起他們4人，故此只接單頭工作。

保錡吃了虧學了乖。

MIRROR成員江爗生（AK）、邱士縉（Stanley）、邱傲然（Tiger）；ERROR成員保錡、肥仔；COLLAR成員芯駖、蘇雅琳（Ivy）、許軼（Day）；P1X3L成員吳啟洋、葉振弘及ROVER成員（21日）出席《第十五屆全國運動會》記者會。

肥仔笑稱ERROR 4位成員的一齊出活動，出場費好貴。

眾星模仿運動項目動作，肥仔扮跳水做倒立。

肥仔被托起，模仿武術飛起踢腳動作。