港姐季軍袁文靜口誤爆「有味」笑話 Bob回覆︰我真係冇做呢樣嘢

現年27歲的應屆香港小姐季軍袁文靜（Jane）自小在上海成長，本身並不懂得廣東話的她，來港參賽半年間靠睇《愛．回家之開心速遞》苦練，進步神速。最近，她獲安排與「金牌司儀」林盛斌（Bob）及亞軍施宇琪主持TVB節目《攻你上大學》，但卻因為口誤鬧出「有味」笑話。

Bob告誡袁文靜戒用手機語音打字

Bob 日前在社交網分享與兩位港姐合作的工作照片，並大讚二人的表現，袁文靜即留言感激前輩表示：「謝謝Professor Bob的包含，我們會繼續努力。」袁文靜不小心將「包涵」打錯成「包含」，Bob立即爆笑回應：「包含！講真，我真係冇做呢樣嘢嘅」。其後，Bob再發文搞笑叫對方不要再用電話語音打字：「袁文靜，應該係過去呢幾年，最可愛嘅香港姐之一。話說我今朝出咗個post，隔咗冇耐就見到呢個留言。其實我知道你啲廣東話講得唔係太好，只係冇諗過，你寫出嚟都會係咁。我諗以後你打字都係手寫或者用返拼音，唔好再用語音啦，如果唔係好易賴嘢。呢鑊真係水洗都唔清，點同老婆解釋好呢……」

網民都笑言：「包含，咁直接嘅」、「一早講有潛規則啦」、「咁重口味呀」，而袁文靜則回覆自嘲：「救命！看來《攻你上大學》最應該留班就是我。」

袁文靜、林盛斌、施宇琪一同主持《攻你上大學》。

袁文靜在社交網講有味笑話。

袁文靜在上海成長，來港參賽半年間靠睇《愛．回家之開心速遞》苦練廣東話。

Bob爆笑回應袁文靜的有味笑話。