陳可辛赴西班牙奪「卓越榮譽大獎」 7日狂睇35套電影受到啟發 吳君如同行分享天體海灘艷遇

華語影壇著名導演陳可辛（Peter）日前出席於西班牙舉行的第58屆錫切斯國際奇幻電影節，除了擔任本屆影展的評審，更獲頒「卓越榮譽大獎」（Grand Honorary Awards ）以表彰導演多年在影壇對作者電影和類型電影製作的傑出貢獻。領獎辭謝時，Peter幽默說：「拎到呢個獎，其實要還返呢個獎俾影展，因為我喺呢班年輕人身上學到好多嘢。而我覺得自己需要保持心境年輕，喺電影語言上保持創新」，他亦感謝吳君如專程飛到西班牙見證他領獎。

受新導演「創新」所啟發

今次錫切斯國際奇幻電影節，Peter有出席《醬園弄·懸案》映後談，期間他先以西班牙語開場，身旁有位口譯員隨即開始翻譯，Peter隨即問道講緊西班牙都仲要翻譯？原來口譯員是譯加泰隆尼亞語，令在座嘉賓拍掌大笑。他亦分享巴塞隆納是他最喜歡的城市之一，41年前他21歲，到巴塞隆納拍攝，聲稱是他生命中最美好的6個月。Peter亦擔任今屆影展評審，他表示在頒發獎項前，變成deadline fighter一口氣用了7日看了35部電影，與其他評審用了3日開會討論，直言是他人生中最累的7天「有啲戲好，有啲戲無咁好。好多新導演有好創新嘅表達手法，學到嘢。」賽果將於香港時間10月18日凌晨2點揭曉。

陳可辛日前出席於西班牙舉行的第58屆錫切斯國際奇幻電影節。

他獲頒「卓越榮譽大獎」以表彰多年在影壇對電影的傑出貢獻。

領獎辭謝時，陳可辛說在年輕電影人身上學了好多嘢。

吳君如恭賀陳可辛。

陳可辛坦言需要保持心境年輕，喺電影語言上保持創新。

Peter亦有出席《醬園弄·懸案》映後談。

陳可辛透露用了7日看了35部電影，與其他評審用了3日開會討論。

吳君如、陳可辛、姨甥女Maisie

吳君如好興奮！

吳君如飛西班牙共享殊榮

吳君如專程飛西班牙，陪Peter攞獎共享殊榮，出席影展之餘，憶起23年前兩人同遊西班牙往事，且分享Peter當年在天體海灘的艷史說：「Peter 21歲嚟拍戲嗰陣，就第一次嚟Sitges 著名嘅西班牙天體海灘，有幾個女仔喺佢面前同佢傾偈，佢話佢隻眼都唔知望邊度好！喺2002年佢話要帶我返去一次大開眼界！當時我都感覺好自由奔放。然後今次再返嚟就發覺啲後生嗰個就着晒泳衣！天體嗰啲呢，就老過我同Peter ，可能仍然係40年前嗰幾個女仔！」