BB車硬闖港鐵太子站扶手電梯 自私乘客捨易取難 阻塞通道示範「大笨招」｜Juicy叮
一對推著BB車的自私男女，在港鐵太子站捨易取難，以最笨的方法推著BB車乘搭扶手電梯，同時阻塞月台通道，危險之餘也引起網民公憤。詳情見下圖及下文：
BB車硬闖港鐵太子站扶手電梯 自私乘客捨易取難 阻塞通道示範「大笨招」逐張睇↓↓↓↓
樓主：喺個欄杆遞個BB車上去
樓主早前在社交平台Threads上載短片和相片發帖，留言「唔講咁多自己睇」，並在回應欄補充「以為入唔到佢哋放棄會用lift（升降機） ，直接喺個欄杆遞個BB車上去，係有啲料到」。
片中見到，現場是太子站往黃埔方向的月台旁。綜合片段，在扶手梯人來人往之間，一對疑與親友同行，推著BB車的男女擋在扶手梯入口前笑著整理行裝。
擾攘一輪後，女子抱起車上的BB女，白衣男連隨把BB車繞過「人咁高」的黃色欄杆，推到側邊鐵欄，並疑似舉起讓BB車跨欄而過，直達扶手電梯入口上電梯，做法令人側目。
相關閱讀：港鐵鑽石山站女乘客持槌仔搭電梯 港男目擊車廂嚇人前傳 醒目做一事自保
無視「大型行李搭𨋢幫到你」廣告
但其實，鐵欄旁邊已貼有「大型行李搭𨋢幫到你」的廣告字樣，卻被涉事男女無視。回應的網民也指「搞咁耐搭𨋢都到啦」、「已經整埋條柱喺度仲要人咁高架啦，咁樣都諗唔到要搭𨋢？」、「（廣告）大大隻字寫喺條柱，對眼擺嚟襯，真係叻人 」。
相關閱讀：港鐵九龍塘站疑似搬屋畫面震撼網民 手推車滿載堆成山 乘客一人一架咁樣上車
網民指做法危險
有人批評做法，指「至憎啲人塞住喺電梯口」、「等佢哋走咗先再上，費事佢碌咗落嚟」、「最危險係佢哋出扶手電梯嗰陣時撠住出唔切，停咗喺度，後邊嘅行人就骨牌咁樣倒地，所以如果遇到嗰啲夾硬拖住大篋或BB車嘅人又話唔聽，搭扶手電梯千祈唔好企咁近，最容易變骨牌踩死人」。
有正義的網民更加表明「我會走去同佢講，請用電梯。不能用扶手電梯，因我真係會同佢哋講。尤其大型行李。一出事，後面啲人好大鑊」。
有網民則上載手繪圖示意，指早前尖東站見到有不守規則的乘客落扶手梯，「將架BB車好似坐過山車咁，啲車轆貼實個樓梯級直接搭，好驚架車/小朋友跌落去，之後望一望個小朋友都8-9歲」，另有人附和稱「上星期尖沙咀站都見到！兩個都8-10歲仲要坐BB車搭扶手電梯，差啲成部連人帶車飛出去」。
資料來源：lamlam_love_giyuu28＠Threads
相關閱讀：阿叔超市手推車載貨硬闖元朗站 歪理拒職員截查 火拼起哄乘客撩交打 港鐵最後咁處理↓↓↓↓
元朗港鐵站有阿叔竟攜超市手推車載大型行李硬闖入閘，被職員截查時又歪理連遍：「係咪剩係拉到我？」「報警嘅目的係咩先？」大堂有多名乘客看不過眼，起哄指罵與大叔發生激烈衝突，大叔竟撩交打：「打呀！」↓↓↓↓
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
