觀塘酒樓冰鮮魚扮游水海鮮敗露 「對比圖」瘋傳曝光死魚特徵 網民驚覺「咁樣」呃人唔止一間｜Juicy叮

有網民到觀塘一間酒樓食晚飯，叫了一條600多元的東星斑，他落單聲明要「新鮮游水」，但酒樓上菜被他發現由「冰鮮魚」頂替，酒樓見事敗更換新鮮魚。

樓主公開前後「對比圖」掀起熱議，不少網民「學到嘢」之餘，亦驚覺原來過去一直「食咗好多條死魚」，以冰鮮充游水海鮮的酒家不止一間。

觀塘酒樓冰鮮魚扮游水海鮮敗露 「對比圖」瘋傳曝光死魚特徵 網民驚覺「咁樣」呃人唔止一間↓↓↓↓

有網民在「香港酒樓關注組」FB專頁發圖發帖表示，在剛過去的中秋節正日晚上，在觀塘一間酒樓吃飯賀節，他點了條魚1斤2兩紅東星斑，單叫要價600多元。

樓主指出：「我落order前先聲明係新鮮游水我先嗌」，但結果「出到嚟居然畀冰鮮我」，樓主一眼識穿酒樓以冰鮮魚冒充新鮮魚，「當時我真係好嬲想投訴，最後換返條新鮮嘅畀我」。

酒樓最後有更換，但「連個道歉都冇」，樓主批評：「認真黑店冇下次，餐飲業唔係冇客，而係自己做衰自己。」

一圖睇清「冰鮮魚vs新鮮魚」！網民：「呢啲post有養分，學到嘢」

樓主公開該酒樓前後兩碟魚的照片，冰鮮魚與新鮮魚，在比較下，看出截然不同。帖文引發熱烈迴響，不少網民指「呢啲post有養分，學到嘢」。

網民從樓主的「對比圖」，總結多點冰鮮魚與新鮮魚的分別：「新鮮魚蒸完之後，水撥會向天，反之死魚之水撥會躺平。」「游水會爆肉。」「睇條魚旗眼珠，新鮮魚眼珠會突出嚟，魚旗會豎起魚身蒸熟 表面會爆開。」「魚肉係白啲新鮮啲。」

至於味道方面，有網民表示，新鮮魚「食落」「係香好多」。

有網民坦言睇完對比圖後，才驚覺「我食咗好多條都係死魚，以後keep住呢張圖去酒樓對住嚟食，圖一（冰鮮魚）即刻退貨」。

不少網民批評涉事酒樓不老實：「間所謂酒家以為你唔識嘢，取條死鱼當活魚賣，營商理念係管逐客走。」「當客人係水魚，現在公佈天下，執笠之期不遠矣。」「好彩你分得出，呢間酒樓應該都唔係第一次呃啲客。」

同場加映：觀塘酒樓執笠員工「結業飯」菜單掀議 5餸1湯菜式有避忌 加送一承諾 網民：老闆有良心↓↓↓↓