缺德食客又現！「薩莉亞」撞正魔術手阿叔偷嚐一物 半秒搞掂仲加添 目擊者驚訝：遇到魔術師｜Juicy叮

有網民昨日（1日）在連鎖日本意式餐廳「薩莉亞」（Saizeriya），遇上缺德食客，該名阿叔自攜酒精飲品，以半秒速度偷嚐仲加添，目擊網民形容手法飛快如「遇到魔術師」，指「店員埋黎仲要唔認」。

缺德食客又現！「薩莉亞」撞正魔術手阿叔偷嚐一物 半秒搞掂仲加添 目擊者驚訝：遇到魔術師↓↓↓↓

有網民在社交平台發片發帖表示：「响薩莉亞食飯遇到魔術師，識响個袋度變啤酒出嚟飲，店員埋黎仲要唔認係啤酒。」

樓主公開當時偷飲自攜啤酒的影片，她指阿叔手法太快：「佢開罐果下miss左，呢下已經係添飲。」片中阿叔將杯放在左下角，旋即拿起放回枱上，已見杯內倒滿啤酒，並即時大口飲下，仿如無中生有的魔術。

職員嚟到都唔認 阿叔同枱女士「零反應」

大叔身前放有一個斜孭袋，估計大叔將啤酒藏在袋中，將杯放下時，偷偷以袋遮掩倒啤酒，大叔與一名女士同枱，該女士坐在對面，影片見女士面對此情況「零反應」，未有任何反應。

帖文引起熱議，有網民指出，薩莉亞有賣啤酒，但該名大叔為慳錢貪小便宜，竟「偷偷摸摸飲自己帶嘅酒」，

網民揶揄：果個係尿袋

不少網民留言冷嘲熱諷揶揄大叔缺德行為：「果個係尿袋，佢拎出嚟飲，中醫治療法。」「是但喇，成日都有人帶嘢飲入戲院，香港人本色。」「好心，成枝拿出來，咁冇膽就唔好鬼鬼鼠鼠啦。」「證明唔到咩wo，佢可以話佢飲緊尿。」

來源：hobbitsharon＠Threads

同場加映：連鎖日本餐廳「薩莉亞」爆衝突 港女重覆落單店長拒撤銷反叫報警：「佢話唔食都要畀錢！」涉事店長咁回應記者↓↓↓↓