劉偉強《頭文字D》4K靚聲修復重映票房掂 聞「香港電影已死」扯火｜專訪

《頭文字D》以4K和杜比全景聲修復重映，成為淡市奇兵，自9月17日上畫，票房衝向300萬。訪問該片導演兼攝影師劉偉強，到訪其工作室，說着說着，像燃起20年前拍《頭文字D》那拼命三郎的「鬥魂」，他形容︰「我哋係用生命搏返嚟！」也是因為這團火，「我拍咗40幾年戲，仲周圍去謝票，好憎啲人話『香港電影已死』！」 他亦計劃修復更多作品。撰文︰李志宏、攝影︰林賓尼

《F1電影》有缺點

《無間道》在日本大賣，造就取得漫畫《頭文字D》的改編版權，劉偉強身兼該片攝影師與導演，另一導演為麥兆輝，編劇則為莊文強。65歲的劉偉強嗜好多，玩車、睇漫畫、聽黑膠唱片，「我年輕時，一年換7架車，太多魔鬼朋友嘞！」電影《頭文字D》有許多「金句」如「我要買GTR」、「冇事先做到世界冠軍㗎嘛」等，傳頌多時，他始料不及，「車先係主角，死氣喉聲、踩油門聲、飄移聲、引擎聲是就係對白。我哋唔想用太多人與人之間嘅對話講故仔，反而係人同車傾偈，黃秋生會望著架AE86講『你好靚仔』！」

荷里活《F1電影》一掟就是兩億美金製作費，劉偉強︰「我睇過，對比過，覺得我哋都幾好呀！大製作當然厲害，就係欠現場感。《頭文字D》其實都可以拍空鏡，或者用綠布景，用好多CG，好似《風雲：雄霸天下》咁叫鄭伊健望住空氣做戲，幻想前面有隻火麒麟，但根本唔真實，呢啲就係特技與實拍嘅分別。可能有啲人睇唔出，作為導演係feel到。」

劉偉強在工作室受訪。

劉偉強稱《頭文字D》重映，就是第二集，「畫面、聲效重新處理，係另一種觀影感受。」

《頭文字D》在邵氏辦分享會，劉偉強、麥兆輝、陳光榮與車迷、影迷訴說拍攝點滴。

劉偉強被死亡陰影籠罩

《頭文字D》取景地是日本「榛名山」，拍了40多天。「美術組、道具組喺整段伸手不見五指山路置裝路燈、路牌，搞到好似有生命一樣。」續說︰「我揸AE86上山拍嘢前，會去廟拜神，祈求保佑團隊安全。當年我哋恃住年輕，似拼命三郎走到最前線。」劉偉強堅持實拍，追求現場感與靈活性，焦固定機位，「嗰架車高速下坡係衝向我攝影機鏡頭；仲有飛車手足甩尾時，真係爭一尺就會炒落山！呢啲都係我唔拍第二集嘅原因之一，嗰陣每天都感受到生命受威脅。」尾聲Evo3、AE86、FC車大戰，「落山飄移入彎嗰啲，我坐車跟拍，要好有膽識同技術，𠵱家邊個敢做？肯上Camera Car？」有行內人說劉偉強自大，「我成日話《頭文字D》攝影好勁，係呀，我係幾厲害㗎！」

劉偉強憶述拍《頭文字D》時，形容每個甩尾鏡頭︰「我哋係用生命搏返嚟！」

2004年，劉偉強與麥兆輝於日本榛名山拍攝《頭文字D》外景。

當年《頭文字D》掀起熱潮，劉偉強揸AE86遊旺角。

陳冠希是顏值擔當。（《頭文字D》電影劇照）

《頭文字D》掀起飄移熱潮

《頭文字D》2005年在香港上映，票房3700多萬港元成年度華語片冠軍，並入選威尼斯影展，後於日本、韓國、台灣、英國等地熱賣；香港甚至掀起「飄移熱」，坊間推出教學課程，連TVB《歡樂滿東華》都有錢嘉樂表演揸車甩尾，找來當時女友李珊珊做「人肉雪糕筒」。《頭文字D》修復重映成為淡市奇兵，劉偉強寄語︰「好憎啲人話『香港電影已死』！我哋經歷咗COVID，香港經濟回落，最近我見好多店舖倒閉，同時好多新店開張，形式係改變咗。以導演身份講，唔好郁啲就話『咁少錢我唔拍』，要隨遇而安。」他深信練好功夫，運自然到。

劉偉強︰「好憎啲人話『香港電影已死』！」

（左起）周杰倫、林建岳、劉偉強、陳冠希現身威尼斯影展。

錢嘉樂在《歡樂滿東華2005》表演飄移，李珊珊做「人肉雪糕筒」。

劉偉強、麥兆輝憑《無間道》奪香港電影金像獎「最佳導演」。