買煙男使污糟1蚊銀大戰便利店阿姐：「真錢嚟！你有咩權唔收？」便利店收銀吐苦衷 法例咁講｜Juicy叮

有網民到便利店買煙，付款時當中一個1元硬幣因太污糟被店員拒收，樓主不滿店員拒收的態度不客氣，拍片公審掀起熱議：「畀小小禮貌問我有冇另一個1蚊，或者其他方法我都唔會為難佢。」

買煙男使污糟1蚊銀大戰便利店阿姐：「真錢嚟！你有咩權唔收？」便利店收銀吐苦衷 法例咁講↓↓↓↓

有網民昨晚（30日）在網上發片發帖公審一名便利店女店員拒收真錢，樓主付105元購買香煙，影片看到當中有一張一百元紙幣，與及兩個兩元及一個一元硬幣，而其中一元硬幣的一面，相當污糟，另一面則沒有問題。

樓主拍攝放在枱上的金錢表示：「我依家呢到一百零五蚊，依家你話呢個1蚊唔收！」便利店女店員即翻開一元硬幣污糟的一面：「你影呢到呀！你影呢到呀！」

樓主即拍攝該面已出現嚴重剝落的一元硬幣：「好呀，無問題呀。」他強調：「我呢個係真錢嚟嘅，你有咩權唔收我呢個一蚊？」

樓主拍片 女店員翻開硬幣污糟一面：「你影呢到呀！」

他不斷質問便利店女店員：「呢個係咪真錢嚟嘅？你依家係咪懷疑佢係假先？」店員則反駁：「你影呢面呀！」又聲稱：「我無話唔收呀！」

樓主聞言即大發雷霆，怒吼：「你依家話唔收呀！你依家話唔收呀！你收嘅，依家就畀包煙我！」店員未有理會他，只把弄著手上一條未拆開的硬幣。

樓主再質問：「你係咪有權唔收？！」女店員未有理會，樓主再問：「唔好死狗呀！收定唔收？」女店員表示：「唔收！因為咁污糟，我就係唔可以收！」樓主聞言爆粗後離開：「Ｘ你老母！真錢嚟㗎！」

樓主強調不滿服務態度：佢客氣同我講 唔會為難佢

樓主在帖文中強調不滿的是女店員的態度，如果對方有禮地問他有無另一個一元硬幣，他可以另換一個：「本來佢客氣啲同我講佢有咩隱憂，驚公司詐型各樣那樣，畀小小禮貌問我有冇另一個1蚊，或者其他方法我都唔會為難佢。」

「但佢串Ｘ到無視我，當我透明咁喺收銀機攞啲毫子出嚟數，叫我報警，好似想我屈服咁我即刻著Ｘ咗。」

網民籲體諒：佢就算收咗你個一蚊，都好難找返出去

帖文引起熱議，有網民勸喻樓主：「大哥，其實你諗深一層，你拎污糟嘅錢出嚟人，人哋之後點找錢畀人啊，個1蚊咪廢咗囉......人地都係打份工咋！」

有曾在便利店做收銀的網民吐不收的苦衷：「小弟都做過下7仔收銀嘅......佢就算收咗你個一蚊，佢都好難找返出去，因為找俾其他客都會嫌架，我都遇過類似情況，所以佢先話唔收。」

該網民又指：「而且你係明知個一蚊污糟，你都係想洗咗佢者，做乜係都逼人收同公審人？唔可以去啲自動售賣機用咗佢？ 己所不『容』，勿施於人。」

樓主強調不知1蚊污糟：我用果刻我係唔知

樓主則留言回應再次強調事件是不滿該店員的待客態度，並非因對方不收一元硬幣：「我明，所以我都話如果佢有咩隱憂同我講，我理解。」

樓主又指，完全不知道該一元硬幣有一面污糟，並非想在便利店使走該污糟硬幣：「我用果刻我係唔知，你信唔信我控制唔到，果1蚊真係用唔到咪由得佢，有咩所謂。」

樓主又表示：「分清楚先後次序，服務行業基本禮貌一定要有架啦，我就一向對咩人就返咩態度。」

本港法例無規定商業行為必須收流通貨幣

根據《法定貨幣紙幣發行條例》及《硬幣條例》，本港3間發鈔銀行所發行的鈔票及金管局發行的硬幣，均為香港法定貨幣和流通貨幣，鈔票上亦註明「憑票即付」，作為法定貨幣，是一種有效和合法的支付媒介，在法律上被視為有效履行支付義務。

不過，條例並沒規定商業行為必須收流通貨幣，政府在2010年答覆議員提問有很多店舖拒收一毫、兩毫、五毫等硬幣和1,000元鈔票時，強調在任何商業交易中，買賣雙方可自行決定使用何種支付媒介。

據金管局資料，滙豐銀行為政府的硬幣代理銀行，市民可到滙豐銀行將「不被收銀車接受」的香港硬幣，兌換為同等面值的其他香港流通貨幣。

來源：purplenightspider＠Threads

同場加映：八通達增值離奇變「減值」？！夫婦便利店增值$200 八達通反減剩$14 7-Eleven回應公開最新調查結果↓↓↓↓