劉偉強一個原因未能客串「Benz叔叔」 爆《頭文字D》原定由徐克執導

《頭文字D》最近以4K修復杜比全景聲重返大銀幕，20年後再成為港產片票房冠軍。日前電影導演劉偉強和麥兆輝、原創音樂陳光榮、混音李耀強、擬音杜本立，以及十幾架AE86、GTR和FC的車主，和他們的愛車聚集邵氏影城，在映後分享會上，劉導連環爆出多個重磅秘密，令一眾「頭D迷」嘩聲四起。

周杰倫不想配音

有觀眾問男主角周杰倫真人配音難度，麥兆輝說：「引擎聲太大，演員對白收唔到，之後mixing會好困難，所以全部演員都要入錄音室配音。周杰倫幾乎逐個字錄，佢係音樂人，耳仔好靈，聽得好準，配合口形亦好準確。花咗好多時間，可能破咗MBS（配音公司）單人配音紀錄，淨係佢一個人錄咗4、5日！」劉導透露周杰倫最初不想親自配音，但劉導拒絕，認為粉絲一定認出。而另一個「謎」就是女主角夏樹的金主「Benz叔叔」是誰？劉導爆料：「原本係我！」引全場笑聲，他繼說：「麥兆輝同莊文強呃我，又話見唔到樣，又話淨係影到隻手！」麥兆輝說：「佢曾經好認真咁諗過。」劉導笑言：「結果因為我要揸機拍飛車，又要喺現場鬧人，唔得閒做！」此外，劉偉強分享20年前拍攝花絮，介紹當年拍攝器材：「喺車頭嗰舊黑色支架，可以伸到好長，拍車過車鏡頭最啱。當年冇航拍，呢個支架係當時最新器材。」又爆料：「當年寰亞電影話會開拍《頭文字D》，導演係徐克！」引全場譁然，他說：「當年個個後生都鍾意車，個個都想拍。我之前拍《烈火戰車2極速傳說》致敬《頭文字D》，開始拍飄移，陳光榮寫『頭搖又尾擺』都係形容drifting（飄移）。」

至於點解最後由他和麥兆輝做導演？劉偉強說：「我諗係命運，每套戲都有條命！」又特別感激已故音響大師曾景祥（Kinson）及其團隊，Kinson曾憑《頭文字D》於「第25屆香港電影金像獎」獲得「最佳音響效果」獎項。

《頭文字D》導演劉偉強和原創音樂陳光榮在邵氏影城舉行分享會。

《頭文字D》最近以4K修復杜比全景聲重返大銀幕，20年後再成為港產片票房冠軍。

劉偉強為影迷簽名。

劉偉強爆《頭文字D》原定由徐克執導。

十幾架AE86、GTR和FC齊集邵氏影城。

《頭文字D》是集體回憶。

在映後分享會上，劉偉強連環爆出多個重磅秘密，令一眾「頭D迷」嘩聲四起。

劉偉強是《頭文字D》的攝影師，故未能客串「Benz叔叔」。

十幾架AE86、GTR和FC齊集邵氏影城。

劉偉強大爆《頭文字D》原定由徐克執導。

劉偉強和麥兆輝合作無間。

車迷193都是座上客。

眾人暢談拍攝點滴。

《頭文字D》最近以4K修復杜比全景聲重返大銀幕，20年後再成為港產片票房冠軍。

分享會勁有人氣！