不滿打風逼爆要排隊 阿叔言語暴力虐食店職員惹眾怒 店員高EQ回應獲激讚｜Juicy叮

颱風樺加沙襲港期間，仍營業的食店難免出現人龍逼爆情況，有網民目睹一名大叔不滿排隊太耐，以言語暴力對待食店職員，既爆粗又揚言會「嘉許」店員，帖文惹來網民憤怒，除狠批大叔無理外，亦感謝颱風期間的服務業人員。

目擊網民直擊當時情況，其中店員面對言語爆力，以高EQ回應獲激讚，過程如下：

不滿打風逼爆要排隊 阿叔言語暴力虐食店職員惹眾怒 店員高EQ回應獲激讚↓↓↓↓

有網民在本周二（23日）晚上約七時在一間連鎖食店目睹離譜一幕，當時天文台已掛八號風球，樓主在帖文中表示，當時因為打風逼爆食店，「 大部分人都等咗一個鐘先可以攞到餐（包括我）」。

樓主指有位大叔「等咗好耐就開始Ｘ人老母」，該大叔「自己喺App到取消唔到」，「期間職員一直講『唔好意思，退款比佢』，但佢唔接受仍然發洩式謾罵，唔想解決件事，又話要「嘉許」職員。」

樓主表示：「只想講打風期間除咗辛苦消防，真喺辛苦晒服務業人員。」

言語暴力威脅店員：我會『嘉許』你哋㗎啦！

樓主拍攝的現場影片見到，該大叔向粗口辱罵一名男店員：「Ｘ你個Ｘ！」店員有禮地連番向大叔道歉：「唔好意思啊！唔好意思啊！」大叔未有收斂繼續不滿等太耐：「你做唔切就閂閘執Ｘ咗佢啦！」

店員這時問這位大叔：「你係咪想退款？」大叔怒說：「你幾時退款呀！又等一個鐘呀！」店員再向大叔致歉：「等多一陣，唔好意思呀，我哋盡量快㗎啦已經！唔好意思！」

大叔繼續爆粗：「咁你個系統即係呃Ｘ我啦，係咪呀？！」店員有禮地解釋：「今日比較人多，唔好意思！......因為做唔切......」大叔這時突問店員姓名：「你叫咩名呀？你叫Ｘ係咪呀？」似威脅向其上司投訴：「我會『嘉許』你哋㗎啦！」店員期間不斷向大叔表示「唔好意思」。

網民狠批大叔：完美演出自己嘅劣質

樓主公開有關片段表示，若該大叔正式投訴，她可以證明「職員已經好專業好快手去處理每個order，如果真喺接到投訴希望有助釐清事實」。

帖文引發熱議，網民紛紛大讚職員高EQ回應，又怒斥大叔劣行，「完美演出自己嘅劣質」：「你等緊同時，人地都忙緊，仲唔知幾時忙完收工，仲好意思鬧人，唔體諒不得止，完美演出自己嘅劣質。」

「人地打風返工忙到咁，仲要被你唔等得嘅小，醜陋到呢～」

前飲食業員工：打風不停畀人「嘉許」，不過...

網民紛紛感謝服務業員工在打風期間返工的辛勞，呼籲體諒：「其實大家打份工，都喺受人二分四，互相體諒啦。」「人哋已經做到冇停手，洗唔洗咁？」

有飲食業前線員工亦留言嘆辛酸：「我做過飲食業前線真係好慘...尤其打風不停畀人『嘉許』...不過都有好多香港人講『多謝你，辛苦你』。」

來源：Threads＠kaka._.024

同場加映：旺角女侍應遇極品西客 「教科書式回應」贏激讚 網民：不想人北上就要咁樣做↓↓↓↓