颱風樺加沙︱打工仔湧天文台FB批「掛得太遲」 網民幫口天文台：香港人難服侍 點做都有人投訴

按照現時預測，超強颱風樺加沙會在今日（22日）橫過呂宋海峽並進入南海北部。天文台今晚9時40分改發三號強風信號，並會考慮明日（23日）下午1時至4時改發8號烈風或暴風信號。不過，由於明日最早有機會下午1時便掛8號波，打工仔或許需在中午時份離開公司，勢塞爆巴士地鐵，再次造成「動物大遷徙」。

「9點翻到office、11點又翻屋企」

不少打工仔紛紛湧到天文台FB帖文下留言，批天文台「1至4時掛波玩謝打工仔」，「9點翻到office、11點又翻屋企」、「要掛就朝早掛啦低能，明知個風勁，又要全港市民頻撲返工收工」，認為應該早些掛波，避免打工仔短時間內上下班狼狽。

不過，亦有網民為天文台「講說話」護航，讚揚「天文台做得好，超前部署，點樣做都會有人投訴，唔使理佢哋」，又有人表示「中立啲講，聽朝又應該真係未到8號波標準嘅」。

有網民形容「香港人真係難服侍」

有網民形容「香港人真係難服侍」，認為「應唔應該返工，幾點放工，呢啲問題唔係應該問公司咩？」更有人直斥「都唔知鬧乜，辭咗職咪長休囉」、「辭工咪乜都唔使返囉、有本身咪辭職唔好做囉」。

按照現時預測，超強颱風樺加沙會在今日橫過呂宋海峽並進入南海北部。

有打工仔嘆「9點翻到office、11點又翻屋企」。

更有人直斥「都唔知鬧乜，辭咗職咪長休囉」。天文台FB截圖

有網民形容「香港人真係難服侍」。

有人表示「中立啲講，聽朝又應該真係未到8號波標準嘅」。