【黃庭桄專欄】細膽的爸媽

各位爸媽們，你有沒有發現，當生了小寶寶後，你變得越來越細膽，而且怕死？

因為你怕自己萬一有甚麼冬瓜豆腐，那麼誰來肩負養兒育女的責任？誰能眠乾睡濕，付出無微不至的愛，讓小寶寶感到溫暖？當小寶寶哭泣時，誰會馬上抱入懷裏呵返？

以前還是吊兒郎當，天不怕地不怕，你會追逐速度快感，享受開快車的樂趣。

有了小寶寶後，你會賣掉跑車，改揸七人家庭車，在後座加設嬰兒座，出入都會安全駕駛，惟恐有甚麼差池，令小寶寶受傷。

拍拖時，你會跟情人玩過山車，高舉雙手狂嗌狂叫，多刺激多爽啊！做了爸媽後，你會耍手擰頭，開始識驚：「萬一機件失靈，成卡車跌咗落去，咁點算？幾日前意大利南部先至有架纜車因為纜繩斷裂，跌落山谷，四死一傷。我哋唔死得㗎！BB唔可以冇咗我哋！」

自從屋企多了一個小生命，兩夫婦少了甜蜜拍拖的時刻，總想偶爾抽幾天，將小寶寶交給奶奶或工人照顧，爭取久違的二人世界。

不過坐飛機時，心中又會杞人憂天，萬一墜機，兩個都死曬，剩下小寶寶獨自留在世上……越想越擔心，你甚至會擔心得哭了起來。

為了令小寶寶有多些保障，你主動增加人壽保額，至少身故後都能有幾百萬元，留給家人堅強地活下去。

你開始注重健康，想長命一些，希望能見證小寶寶大學畢業，然後踏進教堂，再抱孫，坐看夕陽無限好。