【曾智華專欄】兵不厭詐假假真真

賽馬與足球，加入賭博後，全部涉及天文數字金錢。有錢就有騙子，當然會令賽事假假真真。究竟幾時打假、幾時玩真？

需要玩假時就假，需要玩真時就真！

普通賽事，全球日日N咁多場猛踢猛跑，容乜易造假。但到重要賽事，打假會損失慘重時，就冇人咁蠢，天文數字獎金唔贏，走去打假跑假。一可能會被踢爆，二幕後的班主馬主，若贏一場能執幾千萬元至過億元，你玩假？未死過咩乎？例如足球，打到入歐聯八強，已等於開咗天文數字獎金、國際轉播權及龐大數量商品版權的金礦。球員、教練方面，也是個身價量度器，集名利於一身，打跛腳都會拼盡，當然百分百打真。

幾時玩假呢？歐洲足球賽中，有些是「出糧賽」，即有錢齊齊搵，搵得最金是超級強隊。

無論英超、法甲、德甲、蘇超、西甲……的榜首強隊，皆用同一模式搵食，正是當對着榜尾垃圾球隊，或盃仔賽事中碰着乙丙丁組弱旅，就會「開飯」。呢類賽事，足智彩賠率通常弱隊勝有十幾倍，如此，強隊就會一不做二不休，做瓜自己輸波，台前幕後大豐收。奇在從冇人查佢哋打假波，此乃典型有錢齊齊搵！

小弟早早掌握這種模式，每季都賺到三茶兩飯。上周六又中正蘇超格流主場對弱旅馬瑟韋爾，客勝十六倍，嘻嘻，當然用十蚊扑落去買格流「失常」啦。一箸夾中，真快樂。

今晚跑快活谷，上周日連場孭鑊的天下第一高手莫雅，會否「上返身」呢？我睇未得！

提供尾場「川河動駒」，巫顯東騎，排一檔，肯定出閘狂放博走甩，前速可以噴射㗎。

上季此程兩W，今季出兩次皆劣檔，呢場集有利條件於一身，應該露出真面目！