方俊經營皮草店逆市大散貨 吸引59歲神隱首位三級亞姐邱月清激罕現身丨獨家

71歲「靚聲王」張偉文因為行動不便長住老人院，幸獲愛徒方俊承諾終身照顧，見證人間有情。方俊除了做歌手維生外，原來經營皮草店已幾十年，可惜近年行業式微要大減價速銷。不過，近日天氣轉冷，除吸引到鍾慧冰前往揀衫外，甚至神隱娛圈17年，第一位拍3級片的亞姐邱月清亦激罕現身，好爆。 採訪：方騫平 場地：PITC Fur Design

方俊位於尖沙咀的皮草店漸漸轉型做遊客生意。

冰姐率《美麗40路》參加者Connie(左2)、 Heidi(左1)落舖揀毛毛褸。

方俊親力親為打理生意。

攬住嘅態貓公仔好可愛，係熱賣品。

方俊為鍾慧冰揀衫。

冰姐揀得好開心。

逆市生意難做，尤其式微的高價皮草行業，作為良心老闆的方俊坦言打從由疫情後幾年就蝕住做，但寧可辛苦頂住都不想員工失業，唯有不計成本，用蝕到入肉價去散貨，再打算轉型做返些遊客生意，出售有香港特色紀念品來吸客。

店鋪漸轉型做遊客生意。

店內仲有出售其他生活百貨。

方俊曾經營過幾間花店，連好有生活品味嘅任達華都幫襯過。

方俊無奈說：「好景嘅時候，啲人炒股都勁賺，啲錢咁易搵就會買嘢嚟獎勵自己，當時做製衣業只會求過於供；𠵱家市道唔好，毛毛衫、皮褸變成可有可無嘅奢侈品，加上網上購物成為新常態，零售業變成大衝擊，最慘時每日零生意，長期營業額只得幾十蚊、百幾蚊。」方俊曾接待過唔少大客，也遇過麻煩客：「最近馬家新聞成為焦點，而麻煩客同佢哋有啲關係，多年前呢位前有名闊太過嚟度身訂造咗件價值10幾萬嘅毛毛褸，後來又入咗件新到嘅意大利貨，點知追買不久，提出多個無理要求，投訴先前訂購嗰件貨品唔啱心意要求退貨，最後我哋要提供證據交由律師處理，事件才不了了之，聽聞𠵱家嗰闊太都有好多官非纏身。」

方俊做店舖代言人。

鍾慧冰有億億聲追求者

日前鍾慧冰和ViuTV選美節目《美麗40路》參加者周雅韻（Connie）葉慧如（Heidi）到店內揀衫時巧遇59歲1987年的5料亞姐邱月清，邱月清自17年前《選美風雲50年》後再冇公開現身，方俊大讚素顏着住露腰裝的她樣貌身形保養得宜，但她卻堅持要戴返黑超才合照。另外，冰姐笑指自己隨住年紀增長，現在事業線深長更有個大峽谷：「不過，就算60幾歲都覺得自己靚。」她自爆大病後有更多人追，個個有過億身家，笑言有選擇下可能飛起現任男友：「雖然冇心動，但自信心返晒嚟，反而有心機買下衫，有人欣賞就會有心機打扮下，所以做人唔好放棄。」

《美麗40路》參加者Connie(右)、 Heidi(左)大讚皮草平靚正，啱晒𠵱家溫度。

59歲依然好靚的亞姐邱月清激罕現身。

 

邱月清是1987年5料亞姐。

邱月清曾拍過三級片。

當年邱月清都有知名度。

方俊對唱歌有熱誠。

方俊跟張偉文接受鄭丹瑞《健康旦》訪問。

方俊承諾張偉文一生一世。

方俊煮嘢食都一流，會在舖內簡單煮兩味。

方俊曾煮大餐畀七師傅食。

年前方俊成為《中國寧夏‧平羅全國網絡歌手大賽》第4名。

冰姐曾經好索。

年前遇過重病。