Jay Fung自認唔知「碌柚葉」用途 Cloud自爆盆菜連食3日 黃淑蔓揭媽媽包開心果餃子

「唱作王子」馮允謙（Jay）率領兩位美女，「寰亞孻女」黃淑蔓（Feanna)和「仙氣女神」雲浩影（Cloud）向大家拜年，祝各位財源滾滾、身體健康！在外國長大的他對農曆新年傳統習俗一知半解，連「碌柚葉」都未聽聞，Feanna和Cloud立即為他惡補。

Jay Fung想加漢堡落盆菜

捧著「財神」的Jay說：「祝大家新一年賺多啲，我希望自己事業再上層樓，寫多啲好歌、唱多啲好歌畀大家聽。」Cloud拿著揮春說：「我手上『大吉大利』揮春，寓意我開『大』啲嘅騷，然後出『大』碟，賺『大』錢唱『大』歌，盆滿缽滿，所有嘢都『大』！」Feanna就像醒獅一樣調皮可愛，她笑說：「祝大家好似醒獅一樣龍馬精神、畫『蛇』添福。我係蛇女，今年犯太歲，大家都記得要去攝太歲！我蛇年心願，就希望可以做晒佢哋兩個（Jay和Cloud) 嘅願望！」

每個家庭都各有農曆新年小習俗，Feanna期待吃媽媽下廚整水餃，她說：「每年都會同爸爸媽媽一齊倒數迎接年初一。媽咪每年都會包餃子，喺其中一粒餃子入面放開心果，邊個食到就嗰年會好幸運。另一個習俗就係初一唔准洗頭，好辛苦呀！」Cloud說：「我屋企唔准沖涼，話會洗走運氣。」Jay說：「我仲知道唔可以剪頭髮。」問Jay知否「碌柚葉」用途？Jay表示不知道，Feanna說：「年廿八要連埋碌柚葉一齊沖涼，可以洗走衰運。」Cloud搶答：「坊間有碌柚葉嘅沐浴露，唔使真係揸住碌柚葉沖涼啦！」

除了打掃清潔的習俗，Cloud表示屋企新年一定食盆菜，而且會訂兩大個，由年卅晚間食到年初二，還會不停加入食物，最終變成打邊爐，而她最愛吃瑤柱，笑言：「因為瑤柱會煮到散晒，所以我一開始就食晒啲瑤柱。」Jay笑瞇瞇說：「我最鍾意食蝦，因為我鍾意笑哈哈。」Feanna說：「我鍾意食髮菜，因為我鍾意發財，其實我哋鍾意『食字』！」 如果要放一樣喜愛的食物入盆菜，Jay立即說：「我最鍾意食burger，但點樣放入盆菜？」Feanna笑指勁違和。

Jay Fung、Feanna同Cloud祝各位財源滾滾、身體健康！

Cloud自爆屋企訂兩大個盆菜，由年卅晚間食到年初二。

馮允謙自認唔知「碌柚葉」用途。

Feanna期待吃媽媽下廚整水餃。

Jay Fung和Cloud去年都在頒獎禮獲得好成績。