獨家丨何廣沛被指食人妻反擊爆料者：你可以做編劇 30歲公關新歡驚爆曾結婚

本周一傳出35歲的TVB上位小生何廣沛(Matthew)有新戀情，男方大方認戀女公關Sarah Miu，舊愛朱晨麗的Fans唔多高興，在社交網洗版式鬧爆何廣沛一腳踏兩船致被朱朱飛，又爆料新歡好富貴，更稱新歡21年10月才結婚，何廣沛疑似食人妻，罪名好嚴重。《頭條日報》收到可靠消息，30歲的Sarah的確於21年結婚，但並非10月而是1月，亦已於去年中離婚，跟Matthew戀情始於去年尾，當時男方已被朱晨麗飛了半年，所以同一腳踏兩船及偷食人妻完全冇關。撰文:金泰亨
 

何廣沛唔使拍劇就去拍拖，有心人說:「佢哋都冇收埋，係朋友都知佢哋一齊。」

何廣沛同女友日前去咗狗狗樂園玩水，「老竇」全程陪囝囝玩，女友企埋一邊睇住父子樂。

Sarah畢業於Queen Mary, University of London

2017年，何廣沛跟朱晨麗因拍攝劇集《超時空男臣》撻着，之後兩人互稱「好朋友」拒認拍拖，至今年初何廣沛單方面unfollow朱晨麗的IG，5年情正式劃上句號。本周一，何廣沛大方認有新歡，跟過去死口唔認截然不同，因而焫著朱朱Fans，怒罵男方待薄偶像，言詞更相當狠毒。更有爆料者鬧爆男方衰偷食被朱晨麗狠撇，甚至言之鑿鑿話男方爆料朱晨麗未婚懷孕，反轉「朱」肚就是屎。因為罪名太勁，引來何廣沛真身上水反問對方，「我倒是想了解我是怎樣報料，你的故事是讓我覺得你的幻想力能去當編劇呀。」有網友提議何廣沛講出真相，男方以「我也是在吃花生。」作回應。

對於網民爆料，引嚟真身上水質問對方，更恥笑對方可以做編劇。

何廣沛不斷問唔同的爆料者，有關爆料邊度聽返嚟。

何廣沛大方認戀公關新歡，Fans替朱晨麗不值，狂鬧男方。

何廣沛覺得所謂爆料是黑粉作故仔。

女強人新歡自組公司
據有心人報料，新歡Sarah 中文名叫苗承諾，約30歲，曾在英國讀大學，畢業後回港於香港好出名的公關公司工作，至2020年4月，當時27歲的Sarah自組公關公司Talens做老闆，所接的品牌Job全屬名牌，另由於做了多年公關跟圈中人相熟，同陳凱琳是密友關係，從女方任老闆的美甲店IG可見，2018年已贊助陳凱琳美甲。有心人透露，「Sarah同何廣沛拍拖唔係秘密，朋友圈都知，女方住中上環，佢哋兩個會一齊放狗，只係冇放合照到社交平台。」

家境唔錯的Sarah（右）跟朋友於2017年開設美甲店。

Sarah同陳凱琳好老友，問到後者會唔會係紅娘?有心人表示唔清楚。

公關公司Talens接好多大品牌宣傳工作，經常要邀請藝人拍攝，老友當然有份。

張敬軒跟Talens合作。

何廣沛超錫女友愛犬
對於有網民稱女方好富貴又曾結婚，有心人承認是真事。「Sarah屋企係有啲錢，我記得佢係2021年1月結婚，2022年中離婚。」問到離婚係咪同何廣沛有關?「唔係，Sarah同佢前夫關係麻麻，相處唔係幾好，離婚後兩邊都Del晒合照，佢同何廣沛係離婚後先一齊，以我所知大約去年尾，聽聞男方係俾朱晨麗飛嘅。」從男女方共同朋友的社交平台發現，何廣沛好錫女友的3歲柴犬Charter ，做GYM會帶埋佢去，去狗狗樂園又全程陪玩，又抱又攬，女友樂得輕鬆。

Sarah曾於2021年1月結婚，2022年中離婚，朋友圈都知道。

何廣沛好錫Charter ，全程陪玩錫到燶，好瘦的Sarah樂得輕鬆。

何廣沛好錫Charter ，全程陪玩錫到燶，好瘦的Sarah樂得輕鬆。

何廣沛好錫Charter ，全程陪玩錫到燶，好瘦的Sarah樂得輕鬆。

何廣沛同女友有傾有講。

何廣沛女友好瘦削。

何廣沛做GYM都會帶埋Charter 。

何廣沛帶埋Charter行山。

2017年，何廣沛同朱晨麗因拍劇撻著至去年分手。

《星島頭條》新網站有更多精彩內容：http://www.stheadline.com/