47歲滕麗名罕談老公相識求婚經過 拍拖遲到45分鐘講足10年做一事補獲即冧爆
現年45歲的滕麗名在1995年因新秀而入行，多年拍過不少劇集，創造多個經典角色，雖然工作發展順利，但早年情路尚算坎坷，曾兩度遇上負心男，幸好經朋友介紹結識Mr.Right，在2013年與金融才俊男友朱建崑結婚。向來將感情低調的滕麗名，日前在蝦頭與連詩雅主持的YouTube節目《絲打圍爐》訪問，罕有地談到兩夫婦的感情狀況。
【相關文章】：滕麗名兩遭出軌無辜做郭政鴻第三者 坎坷過後覓得好老公47歲生日激罕放閃
【點擊睇滕麗名分享與老公拍拖甜蜜事】：
向來給予人一種性格剛烈的滕麗名，在節目上談到老公的時候，不時露出甜爆的笑容，提到當年兩人相識經過，滕麗名笑說：「如果嗰個男人對你有興趣嘅話，佢剩係唔會同你講嘢，而呢樣嘢係吸引到我嘅注意，嗰陣佢派卡片，剩係唔派畀我一個，我唔明佢點解唔派畀我？究竟發生咗乜事？」她又稱後來在朋友間的聚會，間中會見到老公的出現，慢慢發展了感情。
滕麗名還說自己向來喜愛「man啲」的男人：「我鍾意人有好多唔同嘅嗜好，佢唔好樣樣都識少少，但係之後就唔做。樣樣都識啲就會覺得好man，會崇拜佢，就算佢好兇狠，我都會好崇拜佢，我老公最吸引我嘅地方，佢一個好冷靜嘅人，發生乜嘢事都可以好冷靜，呢一點我係好佩服佢。我記得曾經有人講過，一對好夫妻，如果可以維繫得好，係個老公好冷靜，個老婆會比較剛烈，呢段關係就會相處好融洽，我老公嘅情緒控制得好好，呢樣係幾欣賞佢，而且佢又好多嗜好，我唔使擔心佢會悶！」
拍拖冇花收
滕麗名又自爆在拍拖期間，連花都甚少送：「呢樣嘢反而係結咗婚之後先有，拍拖嗰陣最驚天動地係試過遲到45分鐘，呢樣講到而家都仲講緊，係好難忘！」兩個主持再追問相識到求婚經過，滕麗名最初笑稱「爆咁多，我老公會殺咗我」，但後來都大方分享：「除咗遲到45分鐘外，嗰陣佢係搵咗間日本餐廳，個老闆見我一個人坐喺度咁耐，咪安排咗間房畀我，我一個人坐咗喺一面，當佢到咗之後，做咗一個舉動令到我呆咗。」原來她的老公夾了一件壽司給她：「嗰一刻你會諗食唔食呀？最後我係輸咗，咪就係咁囉，呢招真係好犀利。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
