星8卦丨「細細粒」為幫「大大隻」求財求子迫全家人食齋 搞到阿仔心臟出事仍未知死

命裏有時終須有，強求得來有時未必是好事。講緊嘅係「大大隻」同「細粒粒」兩公婆，佢哋兩個細細個結婚，成日貪戀二人世界，又唔知點解突然想生仔，雖然好努力，但因為年紀大所以無乜效果，「細細粒」一向都迷信，又好相信命理，問咗好多坊間求子嘅秘方，乜神都拜過，好唔容易生到個仔，但呢次生仔過程幾乎搞到佢一命嗚呼。

高人叫「細細粒」要食素，連帶迫埋「大大隻」一齊食，仲要連未滿月嘅仔都開始戒埋肉。高人仲話一家人齊心仲可以追多個女，湊成好字。「細粒粒」知道「大大隻」一直希望生女先，所以好決心叫一家人配合，仲拎「大大隻」搵嘅錢捐咗一半去做善事，好彩係愈捐愈有，令「細細粒」覺得高人有料到。

話咁快已經過咗可以生仔嘅年紀，「大大隻」有叫老婆唔駛咁認真，不如由得阿仔食番肉，畢竟係驚阿仔太細個，身體唔適應，出咗問題就害死阿仔。最近真係畀「大大隻」講中，阿仔成日都好攰，又嗌心臟唔舒服，「細粒粒」即刻帶佢睇醫生，原來係因為長期食素出事，唔適合食素，最好即刻食番多啲肉。但「細粒粒」即刻好大反應，話阿仔唔茹素會影響家運，情願食多啲補充劑，「大大隻」同老婆嘈咗N次，但都說服唔到佢，所以呢排人前人後苦瓜乾，有苦自己知。
 

【相關文章】：

星8卦丨「靚聲」防疫大陣仗 全方位保護奇招開工免家人中招

星8卦丨「巴閉」出事後低調來港生活 怕被人認到唔出街免麻煩

星8卦丨「高妹」姣出面心計多 泊錯碼頭繼續搏殺真淒涼