【黃庭桄專欄】二千元卜卦

有一個女網友，分享一次幫襯玄學師傅的經驗，向Facebook大神求救，到底是不是遇上神棍？
　　
她的小朋友由於經常病，情緒容易波動，於是萌生向師傅求助的念頭。
　　
在朋友介紹下，她找了一個P師傅，通過電話講述情況後，P師傅馬上安排一個插隊急期。（題外話：是不是每一個玄學師傅，都會聲稱自己檔期密密麻麻，起碼排到明年中呢？這樣的伎倆，可能才顯得自己有料到，大受歡迎吧！）
　　
見面後，P師傅拿出一副啤牌，說要替網友起一支卦。
　　
「佢將啤牌疊下疊下，又冇反隻牌出嚟，講咗幾句無關痛癢嘅說話，之後就話要再整一條平安符畀我，收三千八百元。」網友說，前後傾了不足十分鐘，P師傅便收了二千零一元的卜卦費用。
　　
「點解要收多一蚊？不是殯儀館帛金才要單數咩？」
　　
「一蚊是代表祝福和平安。」P師傅解釋說。
　　
網友回家後，愈想愈多問號，懷疑自己是否受騙。
　　
其實卜卦問事，歷史源遠流長，來自《易經》或者《周易》，根據卜出來的爻象，來讀取相關的訊息。靈驗度絕對是有的，但還需看解卦人是否有功力，抑或只是流於謀財的江湖術士。
　　
如果小朋友多病，不如先看醫生驗身，再了解他的生活飲食習慣是否健康？家居是否太多雜物滿布灰塵？屋外是否有動土搭棚影響風水？不過話時話，其實去寺廟求籤是免費的，一樣咁準，至少解籤不用成千蚊！