呂頌賢恨拍港劇同Edan演父子

（星島日報報道）56歲呂頌賢前晚現身活動，最近他被網民讚保養得宜貌似26歲，更與25歲的呂爵安（Edan）撞樣，他笑言多謝大家畀面，謙稱前輩及同輩個個都保養得宜，自己不算特別，笑言：「可能我好少在港，少見面，覺得我不單止未死，仲Keep得幾好。」他表示未見過Edan真人，但看網上的兩張相片對照都覺得有點似。

呂頌賢透露即將離港，雖然可以隨時穿梭中港，但疫情下只能一年回港一次，去年聖誕節回港後原定3月返回內地，但遇上香港爆發第5波疫情，之後上海亦封城，變相留港至今，內地工作已不能再推遲，7月要開拍網上電影，因此今個月底要起行。問到可有興趣與Edan合演父子？呂頌賢即說：「我OK呀，看ViuTV有否興趣搵我合作，如果有機會，我即刻唔走，事關我好耐冇拍港劇，有機會再與香港朋友和團隊合作，會好開心。」