姜濤晒咬手指相自嘲崩壞

（星島日報報道）姜濤早前與幾位MIRROR隊友入選提名美國媒體TC Candler「全球百大靚仔」，大會前日宣布姜濤成功正式入圍，與全球100位型男靚仔角逐排名。姜濤前晚就在社交網貼了多張拍硬照的靚仔相，並寫道：「畫面，逐漸崩壞」；照片中姜濤逐漸變臉由正經、三七面、微笑到咬手指，張張相都靚仔兼可愛，完全稱不上「崩壞」。

不少「姜糖」都紛紛留言問：「完全冇崩壞感」、「崩壞都咁靚仔」、「請問邊張係崩壞？」而Stanley（邱士縉）就再得戚留言笑指：「哇，好可愛！可惜……」，「鏡粉」們即留言：「得啦，知道晴晴(《季前賽》劇中小妹妹）你多啲啦！」。