【聰心說】陳家人獲如心照顧 十分感激

　　陳振聰在《聰心說》細述他與「小甜甜」龔如心經常會打情罵俏，兩人無所不談，二人私下會以「相公」及「娘子」互相稱呼，華懋總部頂樓的臥室成為振聰如心每晚相聚的地方，每次如心遇上公私務不快時，振聰便在旁溫柔地安慰，為她按摩，甚至將手臂讓如心咬作發泄，而振聰認識如心後，令他父母改善生活外，更令他的弟妹可以出國留學，弟讀經濟，妹妹更入了雪梨大學修讀藥劑學，振聰全家人都對如心十分感激，振聰憶起感謝如心安排他爸媽入養和醫院治病，如心抱著他的臉說：「你爸媽咪即我爸媽，點解要多謝呢！」

　　如心說：「我成日都講，窮啲仲好，如果我無錢，大家相處，就算係一個家庭，好似你都講過，佢同你住興田邨，十幾人一間屋，你一定係好感激佢哋啦！」此時如心拿出一本記事簿翻閱說：「你看看這幾頁，你每次講起興田邨嘅生活，住咗十個月，化咗灰我都記得，每次你提起，我都唔知點嘅感受，每次我都記低。」振聰片刻啞口無言，「咁我以後唔會再講，令你唔開心，真係sorry喇！」振聰雙手拉着如心的手，按在她的大腿上，細聲地說：「我無嬲喎！」如心回應：「你應該對佢（妙清）再好啲，不過你都幾唔公平，佢和家人就改善生活，好似今日咁，你都要和妙清吃完飯才來見我。」

　　振聰表示：「其實我食完飯才嚟，你便可騰出時間參加宴會，我認為你係大老闆，應該要出吓場，我可以夜啲返家，一樣可以同你有足夠時間研究和商討你嘅事啦，可愛嘅米奇老鼠娘子，相公都係聽晒你指示。」如心嘟着咀說：「你都成日話我靚女㗎，咁你知唔知靚女係邊種動物呢？」振聰回答：「美麗的娘子，一定係珍貴的熊貓。」她即甩開我雙手指：「天鵝呀！」振聰笑言：「白天是白天鵝，晚上就變成黑天鵝！」如心大笑說：「我唔係鵝，照你咁講，我不如做嫦娥啦！」振聰又說：「嫦娥就對了，配合你住係明亮的月球上，充分表現出你性格。」

　　如心用手叉住振聰的喉嚨，振聰即用右手輕輕握住她的手腕，令到自己可以透氣，如心說：「是啊，不過月有陰晴圓缺，初一、十五都不一樣，我份人就係咁，咁你鍾唔鍾意我，食得鹹魚就抵得渴。」振聰笑着反問：「有時飲啖水解下渴得唔得先？」如心卻追問：「你打算去邊度飲水呢？」當振聰望一下手表，如心又甩開他的手說：「唔駛睇喇，快天光了，你都唔關心我，哼！你真係唔夠關心我。」振聰急忙說：「點會呢，你是我的心肝寶貝。」