袁偉豪晒肌報平安 小肥陸浩明甩難

　　(星島日報報道)小肥及陸浩明曾與確診新型肺炎的施匡翹及宣傳人員阿佳接觸，二人昨日分別在社交網報平安，小肥上載診所報告說：「正式脫離藝人群組嫌疑行列，恭喜自己！亦都深深祝福未知結果朋友都係陰性，已中招朋友盡快康復，喺呢件事以外嘅朋友繼續提高防疫意識，大家加油！」

　　而陸浩明則貼舊相說：「已驗證，工作關係為保安心都去做個檢測，等咗兩日終於有結果，醫院嘅COVID-19測試係『陰性 Negative』，平安冇事，疫情的確令大家都好大壓力，但要樂觀面對呀，身心都要保持健康，你哋要繼續警惕，小心疫情，保持衛生！希望患者們都快啲康復P.S.多謝各位朋友關心。」至於曾訪問施匡翹及接觸過工作人員阿佳的商台DJ梁文禮，都在社交網報平安稱沒受感染。

　　此外，有份拍攝《刑偵日記》的袁偉豪，亦晒肌照表示自己的報告呈陰性，並說：「幸運不是必然。期盼，不如付諸實行。要繼續堅守，保持身體健康。」