爆馬明愛跟「古裝女俠」傾偈 吳岱融：請飲實去！

　　(星島日報報道)吳岱融及樊亦敏昨日首次在疫情下出席活動，吳岱融跟剛認愛的馬國明在劇集《BB大晒》中演父子，坦言「戥個仔開心」，又爆曾見他與「古裝女俠」不止一次傾談。

　　吳岱融、樊亦敏與杜大偉昨日到元朗出席「環保大聯盟」集團開幕典禮，即場分享海外投資心得，樊亦敏笑言有留意東南亞樓盤，因為與香港時差不大，更睇中泰國醫療技術好而在當地置業。而吳岱融與太太租住檳城大屋，笑言在外地亦有不少投資，笑指泰國「屋仔」都比香港大不少。

　　樊亦敏表示曾與吳岱融演夫妻，要多謝公司為她安排靚仔拍檔，吳岱融笑說：「要多謝你當我是（後生）仔呀！」而現場人多熱鬧，兩人都表示是疫情下首次出外工作，提到限聚令獲放寬，吳岱融指聽聞下一步放寬後便可以踢波，自言運動不足的他在疫情下只可以踩單車機。

　　吳岱融與馬國明在新劇《BB大晒》中演父子，短期內會煞科，日前馬明宣布與湯洛雯拍拖，吳岱融笑言：「當然戥個仔開心，佢年紀都唔細，雖然我當年37歲都畀人話遲婚。（有發現兩人戀情？）耐不耐見到他與一位古裝女俠傾偈，不止一次，我不好意思騷擾他們，不過到公布後，我才知道湯洛雯是朋友湯鎮宗個女，加上馬明是筍盤，阿湯嫁到畀佢就要恭喜，請我會去。」

　　樊亦敏最近忙拍《愛·回家之開心速遞》、《七公主》及客串《超能使者》，經常出入化妝間的她爆料說：「見到馬明成日跟住蕭正楠，拎埋外景凳在化妝間坐，嘴是對着蕭正楠，但眼望其他人囉，平日馬明都是收工即走的！（估馬明唔到？）係呀，馬明是視帝，眼神收放得好好。」吳岱融又笑言當日見證馬明得視帝，當時大家都彈起身鼓掌，感受到一股浪，證明他是得眾心。