張振朗犧牲休息陪侄仔打機

　　（星島日報報道）張振朗昨日現身將軍澳電視城為新劇《踩過界II》開工，提到早前現身《流行經典50年》唱歌時聲沙，振朗表示當日唱歌前要拍劇，講話太多有點攰而聲沙，但相信不影響演唱質素，他笑言剛剛開工時亦有大嗌的戲，前一日則吊威吔7個小時，現在聲音沙啞更有腰痛。問回家可有保養聲線？他笑言有點難，因回到家中會陪兩個侄仔玩，雖然開工會攰，但回家又想陪他們玩，因為抗疫期間小朋友都未能上學，最近愛玩槍Game，笑指自己最水皮，輸給在《機場特警》中飾演其少年版的侄仔。

　　提到在《機》劇中與楊明按背戲被指「Hehe味濃」，振朗笑言這一幕很好笑，二人未刻意作演繹，只是認真按劇本去做便「有陣味」，相信幕後寫劇本時亦有點意思，想不到一班男人剝衫戲亦有人注意，振朗笑言不怕女性朋友誤會，亦不介意開拓新市場吸納粉絲，他預告與王浩信在另一劇集《反黑路人甲》亦有類似演出。