譚坤倫密謀北上博一博

　　(星島日報報道)曾於少林寺學校學習武術的譚坤倫（Alan），坦言希望以武打藝人方向為發展目標，雖然想過到內地發展，但知道並非易事，若有機會的話也會願意博一博。

　　譚坤倫（Alan）參加TVB全球功夫新星發掘選秀節目《功夫新星》，其後獲得參加第2期無線電視藝員訓練班繼而展演藝生涯。從一年級開始到河南省少林寺學校習武的Alan，直言自小對武術有興趣，當時被父親問他不如學功夫，便一口應承：「當時在少林寺好辛苦，一年返屋企一次，雖然父母不捨得，爸爸話當時不敢講走。學習期間，每日天未光就起身跑步，訓練半小時就吃早餐，之後上堂或功夫訓練，每日好刻苦地練功。初入少林寺不習慣會匿喺被竇入面喊，但同學仔都會互相照顧。」

　　Alan坦言在少林寺學校習武，最大得着是認識到一班同學。但發覺自己做人不夠信心：「可能成日困在自己的世界裏面，好少出外面，所以出來工作，特別入行初期覺得自己『爭啲啲』，因為自己性格比較內向被動，不會主動找監製。」加入無線後，作為新人的Alan遇上恩師潘嘉德監製，獲對方給予不少演出機會，當中包括《醋娘子》、《流氓皇帝》、《拆局專家》、《三個女人一個「因」》等，他大讚對方很關照少工作量的新人：「間中大家會吃飯聚會，好深刻吃飯時睇餐牌，個個叫冰鎮奶茶，我就話唔要啦！德哥話『你自己一個又唔飲，同我哋一齊又唔飲，幾時先飲到呀？嗌啦！』因為我們是新人，人工好低，叫嘢食都慳住。」

　　除了演藝工作，Alan亦有做健身教練。受張家輝操fit演出《激戰》影響、對健身產生興趣的他指，初入行工作量不多，大部分時間都用來玩健身：「當時保持一個月每晚都做健身運動，訓練時覺得自己有所增值，不會有無所事事的感覺。若沒有演出工作，我就會教學生健身。」曾為內地電影《深宮碟影》任男主角的Alan透露，原本是幫朋友的朋友找演員參演該片，最後未能找出心目中人選，對方就建議他上陣：「當時我心諗『唔係嘛！』，後來膽粗粗上去試，發覺原來自己都可以，當然睇番亦有不滿意地方，始終自己經歷尚淺。」問到可想到內地發展？他說：「都有諗過，但知道並非易事，如果有機會的話都會願意博一博。」